اسلام آباد۔3اپریل (اے پی پی): مزن وزیر عمران خان ءَ گوشت کہ دل یکیمی نہ کنگ ءِ جنز سپیکر ءَ وتی پاور آناں کارمز کنان ءَ رد کتگ ایشی ءَ چہ پد صدر مملکت ءَ را راجی اسمبلی ءِ پروشگ ءِ ایڈوائس کتگ۔ راج نوکیں گچین کاری ءِ تیاری ءَ بکنت، ما گیر ملکی ایجنڈا آنی رد ءَ کروڑانی کلدار ءَ چہ مردم آناں بھا زورگ ءُ حکومت ءِ بدل کنگ ءِ پندل ءُ غداری ءَ را ناکام جوڑ کتگ، راج ءَ را ترسگی نہ انت، آیوکیں باندات ءَ پیسلہ بکنت، اے پیسلہ ڈنی مردم آناں کنگی نہ انت اے پیسلہ ءَ را پاکستانی راج ءَ را کنگی انت کہ آ کئے ءَ را گچین کن انت۔ یک شمبے ءِ روچ ءَ راج ءَ گوں گشتانک دیان ءَ مزن وزیر ءَ گوشت کہ دل یکیمی نہ کنگ ءِ تحریک گیر ملکی ایجنڈا ءِ بوتگ ، اے جنز ءَ را اسمبلی ءَ چہ رد کنگ ءِ پیسلہ ءِ پد ءَ سرجمیں راج ءَ را مبارک بات دیاں، سرجمیں راج ا ساھت ءَ پریشان بوتگ۔ آئی ءَ گوشت کہ راج ءَ را کلوہ دیگ لوٹاں کہ اللہ پاک اے راج ءِ سر ءَ وتی رحمت آں نازل بکن آت۔
