ن لیگ والا  آں گوں دلی یکوئی انت،  پت مزن وزیر  ءُ  زھگ  سر وزیر  جوڑ بوھگ ءِ  واب ءَ  گندگ ءَ انت،  بنجاھی وزیر  اھوالکاری چوہدری فواد حسین ءِ میڈیا ءَ گوں تران

اسلام آباد۔3اپریل  (اے پی پی): بنجاھی وزیر اھوالکاری ءُ شنگ کاری  ءُ کانود  چوہدری فواد حسین ءَ گوشت کہ مرچی  آزات، وت مستر ءُ پاکستان ءُ  یک  بزگیں پاکستان ءِ نیام ءَ ووٹنگ  انت،  ن لیگ والا  آں گوں دلی یکوئی انت،  پت   (شہباز شریف ) ملک ءِ مزن وزیر ءُ  زھگ   (حمزہ شہباز)  سر وزیر ءِ  واب ءَ  گندگ ءَ بوتگ۔  اے  مردم آناں شرم نہ کنت،  اے وتارا  مغلیہ فیملی  پھم انت۔  یک شمبے ءِ روچ ءَ  ادا پارلیمنٹ گس  ءَ  میڈیا ءَ گوں تران کنان ءَ  آئی ءَ گوشت کہ پاکستان ءِ الس  اے مردم آں گوں  کسد ءُ کینگ  کناں۔ اے جستے ءِ پسو ءَ آئی ءَ گوشت کہ  بازیں  مردم آں شیروانی دوچارینتگ۔ بلے   ایشاں پاجامہ نہ رسگ ءَ انت۔   چوہدری فود حسین ءَ گوشت کہ  چوہدری سرور جوانیں مردم  ات،  ما  آئی ءِ شرپ ءَ کناں،   چوہدری سرور ءِ  پرویز الہی ءِ گوما   جوانیں  ھمبراھ داری نہ بوھگ ءَ ات پمشکہ آئی ءَ  را  در کت۔  آئی ءَ گوشت کہ عمرا سرفراز چیمہ ءَ را نوکٰں گورنر پنجاپ  جوڑ کنگ بوتگ۔