اسلام آباد۔ 19 اپریل (اے پی پی) وزیر دفاع خواجہ آصف پارے کہ پاناما کیس انا فیصلہ انصاف آ مبنی مریک، عدالت عظمیٰ دباﺅ ٹی بس نئے پین وخت اس بریک، مسلم لیگ (ن) گدرینگوک آ دہ سال اٹی چندی نشیب وفراز آتے خنانے۔ چارشنبے نا دے پارلیمنٹ ہاﺅس ناپیشن میڈیا تون ہیت وگپ کرسا اوپارے کہ پاناما کیس اٹی نن غٹ شاہدی و تینا موقف ئِ عدالت عظمیٰ نا مون آ تخانن، قوی اومیت ئِ کہ فیصلہ انصاف آمبنی و قوم اکن فخر انا سوب مریک۔ اوپارے کہ مسلم لیگ (ن) نا حکومت آئین و کانود نا بالادستی آ یخین تخک۔ حکومت فیصلہ غاتیٹی معیشت شونداری نا کسر آ روان، دہشت گردی چٹنگ اٹی ئِ۔ پاناما کیس انا بابت میڈیا غا بے بنداو بیان بازی مس ہرا حق آتا برعکس ئسر۔ اسہ سوج اسے نا ورندی ٹی اوپارے کہ سیاست دان تیا دوبہ لگک کاہک ولے ہنداتپہ ہر ہند آ تینے احتساب کن ہم پیش کرینے۔
