بنجاھی وزیر اھوالکاری ءُ  کانود چوہدری فواد حسین  ءَ میاں اوستمانی پندل آنی پٹ ءُ پول ءِ واستہ کمیشن  ءِ  جوڑ کنگ ءِ  حکم جاڑی کت انت،  لاہور ، کراچی ءُ اسلام آباد ءِ  درزن آنی کساس ءَ  لیگل اپسرگ  مٹ ءُ بدل کت انت

اسلام آباد۔2اپریل  (اے پی پی): بنجاھی وزیر  اھوالکاری ءُ  کانود چوہدری فواد حسین ءَ میان اوستمانی  پندل آنی وسیلگ ءَ   حکومت ءِ مٹ ءُ بدلی ءُ  دل یکیمی نہ کنگ ءِ   جنز  وڑیں چیز آنی سر ءَ چار ءُ تپاسی ءِ واستہ کمیشن  ءِ  جوڑیشت ءِ پنت ءُ  شون  کت ۔ شمبے ءِ روقچ ءَ  کانود ءِ چارج  ءِ  زورگ  ءَ چہ  پد  بنجاھی وزیر اھوالکاری چوہدری فواد حسین ءَ کمیشن  ءِ برجائی ءِ واستہ حکم  جاڑی کت۔  اے کمیشن  میاں اوستمانی پنت ءُ شون ءِ پٹ ءُ پول کنان ءَ  وتی رپورٹ  رد ءُ بند کن انت۔  بنجاھی وزیر کانود ءَ اسلام آباد، کراچی ءُ لاہور ءَ درزن آنی کساس ءَ  لیگل  اپسرگ  مٹ کنگ ءِ   حکم ھم جاڑی کتگ۔  آئی ءَ وزارت ءِ کانود  ءُ  انساپ   ءِ توامیں  اپسرگ  آناں  وتی  پرز آناں جوانیں رنگ ءَ پیلو کنگ ءِ پنت ءُ شون ھم کت۔