پاکستان شری داری ءُ کمک ءِ وسیلگءَ  دمگی جیڑہ ء ُ جنجالءَ ر ا گیش ء ُ گیوار کنگءِ ھاترءَ  جزم کتگ، ناشرکاری ءِ حلاپ ءَ مئے جزم  کم نہ بیت، آرمی چیف جنرل قمر جاوید باجوہ ءِ اسلام آباد سکیورٹی ڈائیلاگ 2022 ءَ گوں تران

اسلام آباد۔2اپریل  (اے پی پی): آپی فوج ءِ سروک جنرل قمر جاوید باجوہ ءَ گشتگکہ پاکستان شری داری ء ُ کمک ءِ وسیلگءَ دمگی جیڑہ ء ُ جنجالاں گیش ء ُ گیوار کنگءِ جزم کتگ، ناشرکاری ء ِ حلاپ ءَ مئے جزم کم نہ بیت ، کنٹرول لائنءِ سرءَ جاورھالءِ سرءَ امن ء ُ ایمنی ء ِ سرءَ سدک اَت، بھارتی کروز میزائل ءِ پاکستان ءَ کپگ ءَ چہ  مزنیں درجگ ءِ سلاہ آناں سمبھالگ ءِ ہوالگءَ بھارت ءِ زانت کاری ءِ سرءَ تکانسری اَست، پاکستان ءَ میاں اوستمانی راجانی تہا یک زمہ واریں ریاست ءِ کرد پیلو کتگ۔ آرمی چیف ءَ اے ھیالانی درشانی شمبے ءِ روچءَ  اسلام آباد سکیورٹی ڈائیلاگ 2022 ءِ دومی روچ ءَ حاسیں مہمان ءِ ارزشت ءَ وتی تران ءِ تہا کتگ۔ آرمی چیف ءَگشتگ کہ دمگی سلامتی ءُ محکمی ملک ءِ راجی سلامتی ءِ  پالیس ءِ بھر اِنت۔ شہری آنی سلامتی ءُ وشھالی مئے دلگوشی اِنت۔ آرمی چیف ءَ گشتگ کہ پاکستان کیمپ پالیٹکس ءِ سرءَ باور   نہ کنت ء ُ نہ دومی ءِ نیاد ءَ وتی شریدارانی گوما سیادی ءَ را گیش کُت کنت۔ آئی ءَ گشتگ کہ ما وتی راج پائدگ ءَ را نقصان دیئگءَ ابید چین، امریکہ ء ُ روس ءِ سیادی ءَ را گیش کنگ لوٹاں ہمے وڑءَ یوکرین، جاپان، خلیجی ریاست ء ُ ایندگہ شریدار ملک ءِ دیمروئی ء ُ اقتصادی وشھالی ءِ ھاترءَ  یک وڑءَ ارزشت داراں۔ روس یوکرین  پدمنتگی ءِ سرءَ آرمی چیف ءَ گشتگ کہ  پاکستان ءَ را یوکرین ءِ سرءَپدمنتگی ءِ سرءَ تکانسری است۔ یوکرین ءِ سرءَ روس ءِ اُرش ءَ چہ بدبھتی ءَ چہ نیم ملک تباہ بوتگ ء ُ بازیں مردم بیران بوتگ اَنت۔ آئی ءَ گشتگ کہ یوکرین پدمنتگی ءَ را گیش کنگءَ ایچ ملک ءَرا پائدگ نہ رسیت، پاکستان یوکرین ءُ روس ءِ نیامءَ جنگ بندی ءِ لوٹ ءَ کنت۔آرمی چیفءَ گشتگ کہ دنیاءَ را  نیزگاری، موحولیاتی مٹء ُ بدلی، سائیر  اُرش ءُ ایندگہ دگہ جیڑہ ء ُجنجالانی دیمپانی کنگ بوہگءَ اِنت۔  ملک ءِ راجی سلامتی پالیسی ءِ جوڑ کنگءِسرءَ گپ کتگء ُآرمی چیف ءَ گشتگ کہ راجی سلامتی ءِ پالیسی ءِ تہا  شہری آنی حفاظت ھاس لیکگ بوتگ۔ آئی ءَ گشتگ کہ ناشرکاری ءِ حلاپ ءِ جنگ ءَ مئے ملک ءَ 90 ہزار جانانی قربانی داتگ، پاکستان ءِ سلاہ بندیں فوج ءَ راجانی ہمراہ داری ءَ چہ بے مٹیں سوبمندی حاصل کتگ۔ آئی ء َ گشتگ کہ پاکستان وتی سرڈگار ءِ سرءَ ناشرکاری ءِ ہلاسی ءَ تک ءَ ناشرکار یءِحلاپءَ جنگ ءَ برجاہ داریت۔ آرمی چیف ءَ اوگانستان ءَ بدتریں انسانی پدمنتگیءِ سرءَ چمشانک داتگ ء ُ گشتگ کہ پاکستان اوگان حکومت ء ُ دگہ ہمسائگیں ملک آنی گوما یکجاہ ہوار کار کنگ ءَ اِنت تنکہ اوگانستان ءِ سرڈگار پہ دگہ ملک حلاپءَ ناشرکاری  ھاترءَ کارمرز مہ بیت۔ یوکرین ءَ گیش بوتگیں انسانی پدمنتگی ءِہوالگءَ چہ روبرکتی ملک  اے گپ ءَ بےھیال مکن اَنت 4 کروڑ مردم بدتریں انسانی پدمنتگی ءِ آماچ اَنت۔ آئی ءَ گوشت کہ پاکستان اوگانستان  ءَ  سہرا بوھوکیں   بنی آدمی ڈکال ءِ گوما گر ءُ چیل بوھگ ءِ واستہ  اوگانستا ن ءَ را کمک پجاری کنگ ءَ انت، دگنیا ءَ را  اوگان آنی واستہ  آسراتی دیگ بہ بیت تانکہ  آوانی رویہ ءِ تہ ءَ مٹ  ءُ بدلی آرگ بہ بیت، پاکستان پیسر ءَ چہ 4 ملین رجسٹرڈ   ءُ نان رجسٹرڈ اوگان پناہ گاہ  آنی میزبانی ءَ کنگ  ءَ انت۔  دگنیا اوگانستان ءَ را  ناشرکاری ءِ نوکیں بنجاھ جوڑ کنگ ءَ چہ  گر ءُ دار ءِ واستہ وتی کرد ءَ  پیلو  بکنت۔  آرمی چیف  ءَ میاں اوستمانی  برات  آنی سر ءَ زور پر دات کہ آ اوگانستان  ءِ گوما  وتی رابطہ  آناں مہ پروش ایت ءُ  یوکراین  ڈکال  ءِ رد ءَ اوگانستان ءَ را  بے ھیال مہ کنت۔  ملک ءِ  ڈنی سلامتی ءِ جاور ھال  آنی  سر ءَ ھیال ریچی کنان ءَ  آرمی چیف  ءَ گوشت کہ کنٹرول لائن ءِ سر ءَ جاور ھال دل یکیمی انت۔