دومی سالانہ اسلام آباد سکیورٹی ڈائیلاف 2022 ءِ بندات ، میاں  اوستمانی منشور، سکالرز، میاں اوستمانی حال درءِ نمائندگ، سینئر سول ء ُ فوجی سروک، قانونی زانت کار، سول سوسائٹی ءَ گوں بندوکیں مردم ء ُ تھنک ٹینکس ہوار

اسلام آباد۔1اپریل  (اے پی پی):مزن وزیر عمران خان ءَ جمعہ ءِ روچءَ دومی سالانہ اسلام آباد سکیورٹی ڈائیلاگ 2022 ءِ ُبنگیجی کتگ۔ مزن وزیر ءَ اسلام آبادسکیورٹی ڈائیلاگ ءِ سرءَ سدکی ءِ درشانی کتگ ءُ بنجاہی حکومت ءَ نیشنل سکیورٹی صلہ کاراں گوں اولی ء ُ جوانیں فورم ءِ  کنگ ءِ توسیپ کتگ۔آئی ءَ گشتگ کہ اسلام آبادسکیورٹی ڈائیلاگ ءِ مول ء ُمراد یک میاں اوستمانی درجگ ءِ فورمےءِ جوڑشت اِنت کہ ایندگہ  راستیں میاں اوستمانی فورم آنی  نمدیانی سرءَ سکیورٹی کارانی ہوالگءَ پاکستان ءِ لیکہ ءَ پیش کنت۔ بنجاہی حکومت ءَ استیں ‘اسلام آباد سکیورٹی  ڈائیلاگ 2022 ‘ ءَ میاں اوستمانی منشور، سکالرز، نامداریں میڈیا نمائندگ، سینئر سول ء ُ فوجی سروک، میاں اوستمانی قانود ءِ زانتکار، سول سوسائٹی ءَ گوں بندوکیں مرم ء ُ تھنک ٹینکس ہوار بوہگ ءَ اَنت۔ اسلام آباد سیکورٹی ڈائیلاگ ءِ اولی روچ  نیشنل سکیورٹی ایڈوائزر فورم ءِ سرھال”مٹ بوتگیں ورلڈ آرڈر ءِ تہا ایشیا ءِ سکیورٹی” بوتگ۔ شش ملک آں گوں سیادی داروکیں نیشنل سیکورٹی ایڈوائزرز ءَ اے سرھال ءِسرءَھیال ء ُ لیکہ ءِ درشانی کتگ۔ ایشی ءَ پد پاکستان ءِ پیسرگیں نیشنل سیکورٹی ایڈوائزر آں گپ ء ُ تران کتگ۔ اے باست و باست نیشنل سکیورٹی ایڈوائزر ڈاکٹر معید یوسف ءِ سروکی ءَ بوتگ۔ کہ آئی ءِ تہا سکیورٹی ایڈوائزر آں بھر زُرتگ کہ آئی ءِ تہا چین، ازبکستان، کرغستان، قازقستان، سعودی عرب ء ُ گتر ہوار اَنت۔  چین ءِ پبلک وزیر سیکورٹی ژاکیژہی ءَ ھیال ء ُ لیکہ ءِ درشانی کتگ ء ُُ گشتگ کہ بازیں ریاست سکیورٹی  ءِ ھاترءَ کوشست بہ کن اَنت ء ُ اقوام متحدہ منشورءِ سرءَ استیں میاں اوستمانی نظام ءِ سرءَ دلگوشی بہ کن اَنت، ازبکستان، کرغزستان، قزاخستان، سعودی عرب اور گتر  ءِ راجی سلامتی ءِ صلہ کاراں یکجاہی سکیورٹی چیلنج آنی سرءَ انرجی پولیٹکس ءِ کرد ءُ میاں اوستمانی کمک ءِ سرءَ  دلگوشی کتگ۔ دومی اسلام آباد سیکورٹی ڈائیلاگ ءِ سرھال ” ءِ تہامیاں اوستمانی کمک ءِ  نوک سری لیکہ” اِنت ۔  اے پاکستان ءِ انوگیں  شنگ کتگیں راجی سلامتی پالیسی  ءَ گوں بندوک اِنت ۔ کہ معاشیات، انسانی ء ُ دودء ُ روایتی سکیورٹی  ء ِنیام ءَ یک  سیادی اِنت ۔ سیکورٹی ڈائیلاگءِ اولی روچ ءِ دومی نشت آنی سرءَ دیمروئی ء ُ رابطہ کاری ءِ وسیلگ ءَ جیواکنامک ءَچہ پائدگ چست  کنگ ء ُ انفارمیشن ءِ دور ءَ ڈس انفارمیشن ءَ را دارگ ء ُ وتی کشک ءِ پجا آرگ ہوار بوتگ، ڈس انفارمیشن ءِ نشست ءِ تہا ریاست ء ُ مردم دوئینانی ھاترءَ چیلنج ء ُ مو ہ آنی جدید واصلاتی وسیلگانی سرءَ دلگوشی کنگ بوتگ۔ مراگش ءَ بنجاہی وزیر ، مزن گسی سیکرٹریز، سینئر سرکاری حکام ، عسکری حکام، میاں اوستمانی میڈیا ءِ نمائدگ ، تھنک ٹینکس ، یونیورسٹی آنی راہ دربر ء ُنودربر ہوار بوتگ اَنت۔