راولپنڈی۔ 01 اپریل (اے پی پی) آرمی چیف جنرل قمر جاوید باجوہ تون اوغانستان اٹی مفاہمت کن امریکہ نا مسکوہی نمائندہ خصوصی و اسلام آباد سیکورٹی ڈائیلاگ نا پنی آ اسپیکر زلمے خلیل زاد داڑے جی ایچ کیو ٹی اوڑدہی کرے۔ اوڑدہی ٹی تین پہ تینی است خواہی نا امور، اوغانستان تون اوار علاقائی سلامتی نا حالیت و چندی بشخ آتیٹی ہڑتوم آ کنڈآتا کمکاری آ گپ وتران کننگا۔ پاک فوج انا شعبہ تعلقات عامہ نا رداٹ آرمی چیف اوغانستان نابارواٹ جہانی سیوت و انسانی تنکی ءِ توننگ کن مخلصانہ کوشست آتا گرج آ زور شاغا۔ اواسلام آباد سیکورٹی ڈائیلاگ اٹ بشخ ہلنگ آ زلمے خلیل زاد نا منت واری ءِ ہرفے۔ شرفمند آ مہمان علاقائی سوگوی کن پاکستان نا کڑد و کوشست آتا ستاءِ کرے۔ اوپاکستان تون ہر کہول آ سفارتی کمکاری ٹی پین گچینی کن تینا کڑد ءِ ادا کننگ نا عزم ظاہر کرے۔ اواسلام آباد سیکورٹی ڈائیلاگ اٹی بشخ ہلنگ نا موقع فراوان کننگ آ پاکستان نا منتواری ءِ ہرفے۔
