اسلام آباد۔1اپریل (اے پی پی): مزن وزیر عمران خان ءَ گوشت کہ نوکیں پاکستان ءَ کانود ءِ سروکی، گہبودی ریاست، وت مستری ءُ آزاتیں درئی پالیشی بنیاتی کوھنڈگ انت ایش ماتیں وطن ءِ وت مستری، دیمروئی ءُ وشھالیل ءِ ضامن انت، گوست ءَ ڈن ملکی کمک ءَ ما وت مستری، راجی سلامتی ءُ معاشی سیت آناں دائو ءِ سر ءَ جتگ۔ اے رد ءَ جوڑ بوھوکیں پالیشی آنی درستاں چہ مستریں قیمت الس آں داتگ ءُ ایشی ءِ سیت سیرلاپ آناں رستگ، مئے سئے سال ءُ نیم ءِ وھد ءُ پاس ءَ درئی پالیشی آناں ھما شرپ رستگ گوستگیں وھد ءُ باریگ ءَ ایشی ءِ درور نہ رس ایت۔ آ آدینگ ءِ روچ ءَ “اسلام آباد ءَ سیکورٹی ڈائیلاگ” ءَ گوں گشتانک دیگ ءَ ات۔ اے موہ ءِ سر ءَ راجی سلامتی ءِ مشیر ڈاکٹر معید یوسف ءَ ھم گشتانک دات۔ مزن وزیر ءَ گوشت کہ سیکورٹی ڈئیلاگ ءِ برجائی ءَ چہ ڈاکٹر معید یوسف ءَ را مبارک بات پیش کناں، اے ملک ءِ آیوکیں باندات ءِ واستہ ارزشتی انت، راجی سلامتی ءِ یکجا ءُ یک مشتیں مول ءُ مراد انت، ھما ملک آنی تہ ءَ گریب آنی تہ ءَ امیریں مردم آنی یک زر ناپ ءِ بہ بیت ملک مدام گیر محفوظ بہ بیت۔ مزن وزیر ءَ گوشت کہ من وھد ءِ مدینہ ءِ ریاست ءِ گپ ءَ کناں گڈا اے ھیال ءِ پھمگ ءِ مٹ ءَ اے گوشگ بیت کہ ووٹ دیگ ءُ سیاست ءِ واستہ نیک راھ ءَ را کارمرز کناں، مدینہ ءِ ریاست ءِ بنیات ءَ کانود ءِ سروکی ءُ گہبودی ریاست ءِ بوتگ، ایشی ءِ پد ءَ آئی ءَ دگنیا ءِ سر ءَ سروکی کتگ ءُ سیویلائزیشن مٹ بوتگ، مئے راجی سلامتی ءِ بنیات ھم ھمیش انت۔ ایشی ءَ را پھمگ ءِ ضلورت انت۔ تاں وھد ءِ سرجمیں راج وتی راجی سلامتی ءِ واستہ مہ اوشت ایت اے 22 کروڑ ءِ مچی بیت۔ پاک فوج ایوک ءَ گیشینتگیں سیکورٹی دات کنت، الس وھد ءِ راج ءِ جوڑ بیت گڈا ملک مھکم بیت۔
