راولپنڈی۔1اپریل (اے پی پی): بنجاھی وزیر تہی کار شیخ رشید احمد ءَ گوشت کہ ملک ءَ را دزئی ءُ ڈنگی کنوک آنی شرپ ءِ واستہ مزن وزیر عمران خان ءِ ھلاپ ءَ یک مشت بوتگ، توان ، گیس ءُ پٹرول ءِ نیاد آنی تہءَ گیشی ءَ ابید مردم عمران خان ءَ را دوست داراں، سیاست ءَ چہ ریٹائر بوھوگی بوتگ بلے استیں جاور ھال آنی تہ ءَ عمران خان ءِ گوما کوھنڈنگ ءِ وڑ ءَ اوشتاں، پاکستان ءِ سیاست ءَ بوھوکیں آیوکیں روچ ارزشتی انت، دگنیا ءَ پاکستان جغرافیائی رد ءَ ارزشتی ایں پڑ ءَ انت۔ اے ھیالانی درشانی آئی ءَ بنجاھی وزیر شیخ رشید احمد ءَ آدینگ ءِ روچ ءَ راولپنڈی ءِ وقار النساء کالج ءَ را یونیورسٹی ءِ درجگ رسگ ءِ پد ءَ برجم بوھوکیں مراگش ءَ گوں گشتانک دیان ءَ کت۔ اے ساھت ءَ انتظامیہ ءُ فیکلٹی ممبر آں ابید نودربر آنی مزنیں کساس ءِ ساڑی ات۔
