ندکار: رخشندہ تاج بلوچ
پاکستان ء ُ بلوچستان ءِدیمروئی یکے دومی ءِ گوما بندوک اَنت۔ بلوچستانءِ دیمروئی ءَچہ سرجمیں اُلس دیمروئی کنت۔ دگنیائے نامدار ء ُ بےمٹیں پورٹ گوادر ءُ ریکوڈک ، سھر، معدنیات ءُ مال ءُ مڈی ءَ چہ بلوچستان ءِ سرڈگار سیرآباد اِنت۔ ڈیم ء ُ شاہ دگانی جوڑ کنگ، روبرکتی روٹ سی پیک، چین پاکستان اقتصادی راہداری ژوب تاں کچلاک سیکشن ءِ سرءَ کار بندات کنگ، حاسیں منصوبہ آنی سرءَ کار بوہگءَ اِنت۔ رقبہ ءِ حساب ملک ءِ مستریں صوبہ بلوچستان پدمنتگءُ زھبر بوتگ۔ وانگ ء ُ زانگ، جان ءُ سلامتی، اسپورٹس فیسٹیول ءَ ہوار سیلاپ ءُایندگہ قدرتی وئیلانی ساھت ءَ دائم ءَ پاک فوج ءَ وتی جوانیں کردے پیلو کتگ۔ ملٹری کالج سوئی وڑیں ادارگ بلوچستان ءَ جوڑ کتگ ء ُ صوبہ ءِ ورناہ آناں پاک فوج ءِ تہا آفیسر رینک ءَ موہ ءِ دیئگ بوتگ۔ ہمے کالج ءَ چہ وانگ ءَ پد بلوچستان ءِ بازیں ورناہ پاک فوج ءَ افسر جوڑ بوہگءَ اَنت۔ چمالنگ ءِ ردءَ نیزگار ءُ تنگ دستیں دمگانی نودربراں اسکالرشپ ءِ ردءَ مفت تعلیم دیئگ ءِ موہ دیئگ بوہگءَ اِنت۔ ہمے وڑءَ فری میڈیکل کیمپس ہم برجاہ دارگ بوہگءَ اَنت۔ مزن وزیر عمران خان ءَ بلوچستان ءَ را ارزشت دیئگ ءِ ھاترءَ بنجاہی ادارگانی تہ ءَ بلوچستان ءِ 6 درسد کوٹہ ءِ سرءَ عمل درآمد کنگ ءِ ھاترءَ گامگیج چست کتگ، ا ے ہوالگءَ چہ بنجاہی حکومتانی نیمگ ءَ چہ نوٹیفکیشن ہم شنگ کنگ بوتگ۔ہفتمی ‘ این ایف سی ‘ ایوارڈءِتہا بھر دومی بوتگ۔ بلے بنجاہء ُ صوبہ ءِ نیام ءَ نزیکی ءَ را گیش نزیک ءُ محکم کنگءِضلورت اِنت۔ دومی نیمگ ءَ بلوچستان ءِ جیڑہءُ جنجالانی مستریں سبب اےبوتگ کہ گوست ءِ بنجاہی حکومتاں صوبہ آنی سرءَ حاسیں دلگوشی نہ کتگ۔ وہدے کہ معاشیات زانت گشاں کہ سماجی دیمروئی ءُ معاشی محکمی ءِ ھاترءَ بنجاہ سرجمیں کمک بہ دنت ۔ گوست ءِحکومتاں بلوچستان ءِ گوما ناانصافی کتگ۔ بلوچستان ءِ گلا ء ُ دلپروشی ہلاس کنگ بوہگءَ انت ۔ مزن وزیر عمران خان بلوچستان ءَ را حاسیں ا رزشت ء ُ دلگوشی دئیگءَ اِنت، وانگءُ زانگ، جان ء ُ سلامتی ء ُ دیمروئی کارانی سرءَ حاسیں دلگوشی د یئگ بوہگءَ اِنت۔ دیمروئی کارانی بُنگیج بازیں دمگاں کنگ بوتگ اَنت۔ کوئٹہ شہر ءَ ہم دیمروئی ءِ کار بازیں دمگاں دگ ءُ نالی پکہ کنگ بوہگ ءَ اَنت۔ ایشی ءَچہ پیسر اینچو گشادی ءَ گوں کوئٹہ شہرءَ دگانی سرءَ کار نہ بوتگ امیچو کہ اے وہدءَ بوہگءَ اِنت۔ کوسٹل ہائی وے ءَ گوں ہم دپ ہنگلاج مندر لنک روڈ ءِ جوڑ کنگ ءَ چہ اولی فیز گوںسوبمندی ءَ سرجم بوتگ۔ ہنگلاج مندر ءِ 13 کلومیٹر لنک ءِ جوڑ کنگءِ ھاترءَ 120 ملین ءِپروجیکٹ ءِ منظوری دیئگ بوتگ۔ رقبہ ءِ ھسا ب ءَ بلوچستان پاکستا ن ءِ درستاں چہ مستریں صوبہ اِنت، آئی ءِ آباتی کساس 12 ملین اِنت۔کورونا وائرس ءِ ھوپ ءَ پد سرجمیں ملک ءِوڑءَ بلوچستان ءَہم وانگ ء ُ زانگی ادرگ بند بوتگ اَنت کہ آئی ءِسبب ءَ چہ بلوچستان ءِ نودربر ہم آماچ بوتگ اَنت۔ وانگ ءُ زانگءِپڑءَ سول ادارگانی وانگ ء ُ زانگ ءِ ہوالگءَ سرجمیں کمک بوتگ۔ کیڈٹ کالجز ء ُ بلوچستان ملٹری کالج سوئی ءِ کرد وانگ ء ُ زانگءِ پڑءَ سہرا اِنت۔ اسلام آباد، لاہور، کراچی ءَ بلوچستان ءِ نودربر تعلیم حاصل کنگءَاَنت۔ وانگ زانگ دیمروئی ءِنیمگءَ بارت ءُ یک راجی زمہ واریے ءِ ہم نام اِنت۔ راجانی روژنائیں باندات وانگ ء ُ زانگ ء ُ وانگی ءُ زانگی ادارگاں گوں بندوک بیت۔ دلگوشی ءُ شعوری کوشستاں چہ بلوچستان ءِمزنیں تعلیمی ادارگانی تہا جوانیں وانگ ء ُ زانگ گیش بوتگ۔ اے ہوالگءَ یونیورسٹی ءُ کالجز آنی درائیں جیڑہ ء ُ جنجال گیش ءُ گیوار کنگ لوٹاں۔ چاگردءِ رژن ھیالیں مردم دیما بیا اَنت ءُ سماجءِتہا یکے دومی ءِ لیکہ ءِ شرپ ءُ عزت، جمہوری تب ءُ میئلءَ را گیش کنگ ءَ وتی کردءَ پیلو بہ کن اَنت۔ گوستگیں 70 سالانی ریکارڈ چست کنگ ء ُ چارگ بہ بیت گڑا دیمروئی فنڈز تنا شخصی وائشتانی ردءَ حرچ کنگ بوتگ اَنت۔ پہ اُلس ءِ ھاترءَ حرچ کنگ نہ بوتگ۔ کہ آئی ءِ سبب ءَ چہ بلوچستان ءِ اُلس چہ بنکی حقء ُ آسراتیاں چہ زبھر بوتگ اَنت۔ گوست ءِ حکومتاں اُلس ءَرا با ز دلپروش کتگ۔ نادرا ہ جاہ ، وانگ جاہ ء ُ ایندگہ ادارگانی تہا دیمروئی ء ُ آسراتی نہ بوتگ۔اُلسی فنڈ پہ وتی مال مڈیانی جوڑ کنگءِ ھاترءَ حرچ کنگ بوتگ ۔ ٹھیکہ ء ُ ملازمت بہا کنگ بوتگ اَنت۔ اے درائیں جاورھالانی سرءَ مزن وزیر عمران خان ءُ آرمی چیف جنرل قمر جاوید باجوہ ءَ گامگیج چست کتگ ء ُ صوبہ ءِ دیمروئی ء ِ سرءَ حاسیں دلگوشی دیئگ ءَ اَنت۔ اے بابت ءَ آ گیش المی کار کنگ ءَ اَنت کہ پہ صوبہ ءِ دیمروئی ءِ ھاترءَ باز ارزشت مند اَنت۔اے ہوالگ ءَ گیش گامگیج چست کنگ ءِ ضلورت اِت اَنچوش کہ اُلسی پائدگ ءِ طرز ءَ چہ منصوبگ بندات کنگ بہ بنت کہ آئی ءِ پائدگ تچک ءَ تچک بلوچستان ءِ اُلسءَ را بہ رساں۔ دگ، وانگ جاہ، نادراہ جاہ ، ڈیم ء ُ ایندگہ حاسیں منصوبہ آناں سیاسی مصلحت دوستی ء ُ بلیک میلنگ کلچر ءَ چہ دور کنگ بہ بیت ء ُ صوبہ ءَ را دیمروئی دیئگ بہ بیت۔ ایشی ءَ ابید پہ بلوچستان ءِ زالبولانی دیمروئی ءِ ھاترءَ گامگیج چست کنگ بہ بیت چیا کہ بلوچستان ءِ زالبول باز ہنر مند ءُ ازم کار اَنت ، بائد اِنت کہ سرکاری تک ءَ آیانی ہنر ء ُ ازم دنیا ءِ دیما آرگ بہ بیت۔
