اسلام آباد۔ 30 مارچ (اے پی پی) صدر مملکت ڈاکٹر عارف علوی کانگو ٹی ہیلی کاپٹر شکست آ است ہسونی نا درشانی ءِ کرینے۔ چارشنبے نادے آ ایوان صدر نا پریس ونگ آن جاری بیان نا رداٹ صدر مملکت ہیلی کاپٹر کریش اٹی شہید مروک آتیکن درجہ غاتا بڑزی کن دعا کرے۔ صدر مملکت اقوام متحدہ نا امن مشن اٹی خذمت سرتروک آتے خراج عقیدت پیش کرے۔ صدر مملکت لیفٹیننٹ کرنل آصف علی اعوان، میجر فیضان علی، میجر سعد نعمانی کن بخشش نا دعا کرے۔ صدر مملکت نائب صوبیدار سمیع اللہ، حوالدار محمد اسماعیل، لانس حوالدار محمد جمیل خان نا درجہ غاتا بڑزی کن ہم دعا کرے۔ صدر شہید آتا خاہوت تون ہمدردی نا درشانی ءِ کرے و اوفتے کن صبر و جمیل نا دعا کرے۔
