اسلام آباد۔ 30 مارچ (اے پی پی) بنجائی وزیر حوالکاری چوہدری فواد حسین پارینے کہ پاکستان ٹیلی ویژن چار ارب روپئی نا ریونیو ٹارگٹ دوئی کرینے ہرا تاریخ نا غٹ آن بھلا ریونیو ءِ۔ چارشنبے نادے آ تینا اسہ ٹویٹ اسے ٹی اوپارے کہ پی ٹی وی ہراتم ننے ملا تو پورو خواتہ ئسک، نن گونڈ ءُ وخت اسے ٹی پی ٹی وی نا اِرا چینل آتے ڈیجیٹل کرین و پی ٹی وی نا بزنس ماڈل تسن ہرانا سوب آن پی ٹی وی اینو ہمو ادارہ غاتے ٹی اوار ءِ ہرا منافع ٹی ءُ۔ تینا اسہ پین ٹویٹ اسے ٹی او پارے کہ 22 پریس کلب داسال ڈیجیٹل سٹوڈیو و لیب اکن گچین کننگانو، داپریس کلب آتے ماڈرن اسٹوڈیو و ایکوئپمنٹ ملک ہراڑآن ہندی صحافی ڈیجیٹل صحافت نا پوسکن آ رموز ءِ کاریم اٹ اتنگ کیرہ، دا اسکیم اٹی فرنیچر و ساؤنڈ سسٹم ءِ ہم اپ گریڈ کننگک۔ بنجائی وزیر حوالکاری تینا ٹویٹ اٹی اولیکو ریسہ ٹی ہمو 22 پریس کلب آتا لڑ ءِ ہم شیئر کرے ہرافتے ٹی ڈیجیٹل اسٹوڈیو نا آسراتی فراوان کننگک۔ دا پریس کلب آتیٹی ملتان پریس کلب، فیصل آباد پریس کلب، میانوالی پریس کلب، جہلم پریس کلب، لاہور پریس کلب، جھنگ پریس کلب، حیدر آباد پریس کلب، سکھر پریس کلب، بدین پریس کلب، ٹھٹھہ پریس کلب، کوئٹہ پریس کلب، تربت پریس کلب، گوادر پریس کلب، حب پریس کلب، پشاور پریس کلب، چترال پریس کلب، بنوں پریس کلب، ایبٹ آباد پریس کلب، سکردو پریس کلب، گلگت پریس کلب، مظفر آباد پریس کلب، و نیشنل پریس کلب اسلام آباد اوار ءُ۔
