اسلام آباد۔ 29مارچ (اے پی پی) بنجائی وزیر خزانہ و محصولات شوکت ترین خیبرپختونخوا ٹی اڑزآن و آسراتی بازار تا کمک اٹ شاری تے رعایتی نہاد آ المی آ گڑاتا فراوانی نا بابت صوبائی وزیر خزانہ تیمور سلیم خان جھگڑا نا کوشست آتا ستاءِ کرینے۔ وزارت خزانہ نا رداٹ بنجائی وزیر خزانہ تون سے شنبے نادے آ داڑے خیبرپختونخوا نا وزیر خزانہ تیمور سلیم خان جھگڑا اوڑدہی کرے۔ صوبائی وزیر بنجائی وزیر ءِ صوبہ نا مالیاتی کارکڑد و برجا ڈٹ آتیا حوال تس۔ اوڑدہی ٹی افراط زر نا زور و اڑزآن بازار تا کمک اٹ شاری تے کبینی نا زور آن ریلیف تننگ نا گام گیج آتا ہم جاچ ءِ ہلنگا۔ صوبائی وزیر خزانہ بنجائی وزیر ءِ صوبہ نا گڑاس ویل آتیان ہم معلومدار کرے۔ وزیر خزانہ صوبائی وزیر نا کارکڑد نا ستاءِ کرے و اودے بنجائی حکومت نا کنڈآن پورو کمک و مخ تفی نا باور کرفے۔
