اسلام آباد۔ 29 مارچ (اے پی پی) صدر ریاست آزاد جموں و کشمیر بیرسٹر سلطان محمود چوہدری تون سلاہکار اوورسیز چوہدری محمد شعبان نا ایوان صدر کمشیر ہاؤس اسلام آباد اٹی اوڑدہی کرے۔ داوخت آ صدر ریاست آزاد جموں وکشمیر بیرسٹر سلطان محمود چوہدری پارے کہ اوورسیز کشمیری خاص وڑاٹ برطانیہ ٹی آباد کشمیری تا کشمیر نا ویل ءِ جہانی کہول آ تالان کننگ اٹ اہم ءُ کڑد اسے، اومدام کشمیر نا ویل و مقبوضہ کشمیر اٹی برجا ظلم ءِ برطانوی پارلیمنٹ تون اوار ہر فورم آ تالان کننگ اٹ پبی کڑد ادا کرینے۔ داوخت آ سلاہکار اوورسیز چوہدری محمد شعبان صدر آزاد کشمیر بیرسٹر سلطان محمود چوہدری ءِ اوورسیز پاکستانی تے مون تروک ویل او اوفتا ایسری نا چرجوئی ٹی سلاہ پیش کرے۔ ہنداوڑ او صدر آزاد جموں وکشمیر بیرسٹر سلطان محمود چوہدری ءِ برطانیہ نا دورہ نا سلہ خلک ہرادے او امنا کرے۔ صدر آزاد جموں و کشمیر بیرسٹر سلطان محمود چوہدری چوہدری شعبان ءِ پارت کرے کہ کشمیر نا ویل آ لام بندی کن پیشن نا ملک آباد کشمیر ی تے منظم کننگے تانکہ نن غٹ اواری اٹ کشمیر نا ویل و مقبوضہ کشمیر اٹی برجا بھارتی ظلم آ کشمیری تا توار ءِ جہانی کہول آ بڑز کننگ کین۔ داوخت آ صدر ریاست آزاد جموں و کشمیر بیرسٹر سلطان محمود چوہدری و سلاہکار اوورسیز چوہدری محمد شعبان نا نیام اٹ تین پہ تینی است خواہی تون اوار ایلو امور آ ہم گپ وتران کننگا۔

متعلقہ مضامینمصنف کی طرف سے مزید