اسلام آباد۔ 29 مارچ (اے پی پی) وزیر مملکت حوالکاری و شینکاری فرخ حبیب پارینے کہ ہرا حلقہ غان رانا ثناء اللہ اِرا وار وزیر مس ہمو حلقہ غان 2018 گچین کاری تیٹی اسہ پولنگ اسٹیشن اسے آن کٹنگ کتو، اپوزیشن ق لیگ ءِ وزارت اعلیٰ نا سلاہ خلک ولے ق لیگ بتو، اینو ولدا اسہ سرپرائز اس بننگ والا ءِ، اپوزیشن ءِ 1000 وولٹیج نا کرنٹ لگک۔ وزیر مملکت فرخ حبیب سے شنبے نادے آ سپریم کورٹ نا پیشن میڈیا تون گپ وتران کرسا پارے کہ بے پتی جمع مننگ آن مست 7 مارچ آ ہیت آتے منپننگ آ دھڑکو تننگک، نروک آ نواز شریف محب اللہ تون اوار ایلو ملک دشمن آتون ملسا کرینے، اپوزیشن بے سہب مسنے، اونا گوازی ہم بے سہب مسنے، پیشن نا واکدار آک پاکستان ءِ نزور کننگ خوارہ، پی ٹی آئی نا تاریخی ءُ جلسہ اس ئسک، موٹروے و ہائی وے پی ٹی آئی کارندہ غاتیان پیک ئسر، اوپارے کہ نن دُز آتا مقابلہ ءِ کننگ کن بسونن، 63 اے نا باندات سپریم کورٹ اٹ چلینگ انگ ءِ، اوپارے کہ منحرف باسک آک پدی بننگ کن رابطہ ءِ ترند کرینو، اسمبلی نا باسک انا اسہ وونٹ، کروڑ آ ووٹرآتا امانت ءِ، حلقہ نا مخلوق منحرف مخلوق ءِ اِلیپسہ، نن سیوتی تے مہالو ہم اوار درسا کرینن، آخبت ہم اوار درسا کانہ، ہرافتا شیروانیک تیار ءُ ، او زیان مننگ والا ءُ ، بے پتی بے سہب مسنے۔ اسہ سوج اسے نا ورندی ٹی اوپارے کہ شہبازشریف لاڑکانہ نا سڑک آتیا زرداری ءِ گِرکروئی ئسک، اسٹ اسے نواز شریف ءِ سلام کروئی الوکہ و فضل الرحمان عالم اسلام ءِ یکجا کننگ ئس، ولے ہچ اس مننگ کتو۔ وزیر مملکت فرخ حبیب پارے کہ ننے پیشن نا سازش آتے بے سہب کروئی ءِ ، ننا مذاکرات گڈیکو ریسہ غاتیٹی ءِ، بے پتی نا وونٹ انا دے اپوزیشن نا باسک آتا کچ ہم اسہ سرپرائز اس مریک، سما اف لانگ مارچ شارٹ مارچ انت اکن مس، داتو پی ٹی آئی نا جلسہ ءِ توننگ کن بسوسر، لاہور آن بناکروک آ مارچ اٹی قابل ذکر السی کچ اس مرے تو پاننگے، اوفتا تینا باسک آک اسلام آباد اٹی ئسر، اوپارے کہ ہراتم پاکستان اٹی 400 ڈرون جلہو مس تو فضل الرحمان ہراڑے ئسک، نواز، زرداری نوشتہ کرسا ڈرون جلہو آتا موکل تسوسر، وزیراعظم عمران خان است اٹ امت مسلمہ نا ترجمانی ءِ کیک، سندھ ہاؤس اٹی ہرا نیلام گھر و منڈی تے خلنگا اوغٹ انا مون آٹو، ق لیگ اتون مہالو آن گچین کاری سیوت ءِ، نن سیوت آن پیش کس اسے وزارت اعلیٰ نا پیش کش کتون، عثمان بزدار، عمران خان نا دلیر سنگت ءِ ہرااوڑتون سلیسنے۔
