اسلام آباد۔ 29 مارچ (اے پی پی) پاک بحریہ نا مشق سی سپارک 2022 نا ایسری دود کراچی ٹی اڈ ہلک۔ چیف آف دی نیول اسٹاف ایڈمرل محمد امجد خان نیازی دود انا مہمان خاص ئسک۔ ترجمان پاک بحریہ نا رداٹ ڈپٹی چیف آف نیول اسٹاف (آپریشنز) مشق انا حکمت عملی و سرجزآتا جاچ اتون آخبت نالائحہ عمل کن سلاہ سوج ہم پیش کرے۔ چیف آف دی نیول اسٹاف آپریشنل تیاری و مشق انا سرسہب اڈتننگ آ است جمی نا درشانی ءِ کرے۔ اوڈیہہ نا بدل مروک حالیت آتا رداٹ ہمہ وخت پبی حربی تیاری نا اہمیت آ زور شاغا۔ مشق سی سپارک نا ایسری دود اٹی تعلقدار وزارت و پاکستان نا فوج انا بڑزکو عہدیدار آک ہم ساڑی ئسر۔

متعلقہ مضامینمصنف کی طرف سے مزید