اسلام آباد۔ 29 مارچ (اے پی پی) وزیرخارجہ مخدوم شاہ محمود قریشی تینا چینی ہم منصب وانگ یی نا خصوصی سلہ غا مسہ دے ئی دورہ غا چین آ روانہ مس۔ وزیرخارجہ چین نا دارالحکومت بیجنگ اٹی اڈ ہلوک اوغانستان نا ہمسایہ ملک آتا مسٹ میکو دیوان و ٹرائیکا پلس دیوان اٹی بشخ ہلیک۔ وزیرخارجہ اوغانستان تون اوار ڈیہہ ٹی امن کن اسیجائی کوشست آتے کاریم اٹ اتنگ نا بابت بشخ ہلوک آتے پاکستان نا نقطہ نظر آن معلومدار کیک ۔ دادورہ ٹی وزیرخارجہ ، اسٹیٹ کونسلر و وزیرخارجہ وانگ یی تون ہڑتوم آ کنڈآتا اوڑدہی ہم کیک، شاہ محمود قریشی نا روس انا وزیرخارجہ، سرگئی لیوروف و ایران نا وزیر خارجہ امیر عبداللہیان نا اہم علاقائی و جہانی امور آ گپ وتران کننگک۔ اومیت ءِ کہ وزیرخارجہ نا دا دورہ چین، پاکستان نا اقتصادی اولیتی ایجنڈا و علاقائی رابطہ غاتا مون آ دننگ کن بھاز فائدہ ئی جوڑ مریک۔
