اسلام آباد۔ 29 مارچ (اے پی پی) وزیراعظم نا خصوصی کمکار جان جوڑی ڈاکٹرفیصل سلطان پارینے کہ حکومت ٹی بی نا ناجوڑی نا چٹفنگ کن سنبرینگوک ءِ، حکومت مچ آ ملک اٹی ٹی بی نا رجسٹرڈ ناجوڑ آتے مفت درمان نا آسراتی فراوان کننگ ءِ، داخیال آتا درشانی ءِ او ٹی بی نا چٹفنگ کن اڈ ہلوک سیمینار آن تران کرسا کرے۔ اوپارے کہ ملک ءِ ٹی بی آن پاک کننگ کن گچین گام گیج آتے پک کننگ اُن۔ اوپارے کہ ساڑی حکومت ملک آن ٹی بی نا ناجوڑی نا چٹفنگ کن سنبرینگوک ءِ ۔ اوپارے کہ حکومت مچ آملک اٹی ٹی بی نا رجسٹرڈ ناجوڑ آتے مفت درمان نا آسراتی فراوان کننگ ءِ، مچ آ ملک آن ٹی بی نا چٹفنگ کن غٹ وسیلہ غاتے کاریم اٹ اتنگ اُن ۔ ڈاکٹر فیصل سلطان پارے کہ مچ آ ملک اٹی ہفدہ سد آن زیات درمان نا مرکز جوڑ ءُ ہراڑے ٹی بی نا مفت درمان مریک۔ اوپارے کہ ننے غٹ ءِ اواری اٹ ٹی بی نا چٹفنگ کن تینا پبی کڑد ءِ ادا کروئی مریک۔ مچ آ ملک اٹی ٹی بی نا رجسٹرڈ ناجوڑ آتا کچ کم و ود 3 لکھ 40 ہزار ءِ۔ اوپارے کہ پوسکن آ مشینک تشخیص کن ساڑی ءُ، ٹی بی نا گائیڈ لائن تیا عملدرآمد کروئی مریک۔ اوپارے کہ نن دنیا تون قول کرینن کہ 2030 اسکان دا ناجوڑی ء ِ چٹفنگ نا ءِ۔
