اسلام آباد۔28مارچ (اے پی پی): مزن وزیر عمران خان ءَ گوں سندھ ءَ گوں سیادی داروکیں باسک راجی ءُ صوبائی اسمبلی ءُ پارٹی ورکرز آں دو شمبے ءَ ادا گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ گند ءُ نند ءَ گورنر سندھ عمرنا اسماعیل، راجی اسمبلی ءِ باسک آفتاب صدیقی، صوبائی اسمبلی ءِ باسک حلیم عادل شیخ، خرم شیر زمان، سعید آفریدی، جمال صدیقی، رابستان خان، شاہنواز جدون، علی عزیز، شہزاد قریشی، پارٹی ءِ باسک ڈاکٹر سیما ضیاء، عدنان اسماعیل، محسن گھمن، ملک عارف عدنان، راجیش کمار، مہیش کمار، رامیش کمار ءُ امین محمد ھوار اتنت۔ اے موہ ءِ سر ءَ شریکیں مزن وزیر ءَ را پاکستان ءِ تاریخ ءِ درستاں چہ مستریں توھیں السی مچی امر بالمعروف ءِ کامیاتیں برجائی ءِ پد ءَ مبارک بات پیش کت۔ مزن وزیر ءَ شریک آناں وتی دمگ آنی تہ ءَ پارٹی ءَ را برجم کنگ ءُ گچینیں نماھندگ آناں السی گہبودی منصوبگ آنی دیمروئی ءِ تہ ءَ گیش ترند کنگ ءِ پنت ءُ شون کت۔
