اسلام آباد۔ 28 مارچ (اے پی پی) بنجائی وزیر ڈٹ بندی شونداری و اصلاحات و خصوصی گام گیج اسدعمر پارینے کہ درو تینا کیپٹن نا کال آ پیش تموک آ پاکستانی تا کچ و اوفتا جوش و جوزہ غان پیدوار مس کہ قوم حقی وڑاٹ آجو ملک اس جوڑ مرسا خودداری اٹ زند ءِ گدریفنگ نا فیصلہ کرینے۔ دوشنبے نادے آ تینا ٹویٹ اٹی اوپارے کہ داسہ زند ءِ گدریفوئی ءِ خودداری اٹ، اسہ حقی وڑاٹ آجو ملک اس جوڑ مرسا۔ اللہ غان بیدس کس اسے نا سیبو آ انحصار کننگپ۔ پاکستان زندہ باد۔
