اسلام آباد۔ 28 مارچ (اے پی پی) وزیر مملکت حوالکاری و شینکاری فرخ حبیب پارینے کہ اسہ کنڈآ کرپشن ءِ بچفوک آ ٹولی و ایلو کنڈآ وزیراعظم عمران خان ءِ، قوم فیصلہ کرینے کہ او ملکی سالمیت و وزیراعظم عمران خان تون سلوک ءُ، سپریم کورٹ اٹی جاری کیس پاکستان نا جمہوری آخبت نا فیصلہ ءِ کیک۔ دوشنبے نادے آ سپریم کورٹ نا پیشن میڈیا تون گپ وتران کرسا اوپارے کہ درو نا جلسہ ٹی قوم وزیراعظم عمران خان آ پت کرینے۔ وزیراعظم پارے کہ پیشن نا چم آک حکومت ءِ بِٹنگ نا کوشست آتیٹی اوار ءُ۔ الس فیصلہ کرینے کہ او ملکی سالمیت تون سلوک ءِ۔ اوپارے کہ سرسہب جلسہ نا اڈتننگ آ مبارکباد ی پیش کیوہ۔ اسہ وخت اسے آن پد قوم ءِ وزیراعظم عمران خان کون ءُ لیڈر اس ملانے۔ پاکستان اٹی اسہ ہندن ءُ مفاد پرست ٹولی اسے ہرانا فائدہ غاک ملک آن پیشن ءُ۔ اوپارے کہ سپریم کورٹ اٹی جاری کیس پاکستان نا جمہوری آخبت نا فیصلہ ءِ کیک۔ فرخ حبیب پارے کہ ہر ادارہ ءِ ملکی سالمیت دوست ءِ۔
