اسلام آباد۔26مارچ (اے پی پی):پاکستان تحریک انصاف پریڈ گرائونڈ اسلام آباد ءَ (مرچی) یک شمبے ءِ روچ ءَ 27 مارچ ءَ برجم بوھوکیں “امربالمعروف” ءِ بن گپ ءِ سر ءَ تاریخی لس مچی ءِ برجم بوھگ ءِ واستہ تیار اِنت۔ زالبول ءُ مردین آدم آنی واستہ جتا جتائیں پویلین ساجئینگ بوتگ انت، ٹوھیں اسٹیج تیار، پارٹی ءِ بیرک ءُ بینرز ٹنگ بوتگ انت۔ مزن وزیر عمران خان اے ٹوھیں مچی ءَ گوں گشتانک دنت۔ پی ٹی آئی ءِ سروک اے ٹوھیں مچی ءَ سرجمیں ملک ءَ چہ پیداک انت۔ چاریں صوبگ آں ھوار آزات جموں کشمیر ءُ گلگت بلتستان ءِ توامیں ضلع ءُ کسانیں ، ٹوھیں شہر آں چہ قافلہ مچی ءَ بھر زوری ءِ واستہ تیار انت ایش وتی سیادی داروکیں سروک آنی سروکی ءَ مچی ءَ پج انت۔
