اسلام آباد۔ 19 اپریل (اے پی پی) صدر مملکت ممنون حسین ئَ گوشت کہ پاکستان ئِ جوانیں پجار آرا پدر کنگ ئَ ھوار ایندگہ ملک آنی گوما سیاسی، معاشی ئُُ تجارتی یکوئی ئِ سر ئَ دلگوشی دیگ بہ بیت۔ آئی ئَ اے گپ زرباری افریقہ ئِ واستہ نامینتگیں ہائی کمشنر ڈاکٹر سہیل خان ئَ گوں گپ ئُُ تران کنان اَت، آئی ئَ چار شمبے ئِ روچ ئَ ایوان ئِ صدر ئَ آئی ئَ گوں گند ئُُ نند کتگ اَت۔ صدر ئِ مملکت ئَ ڈاکٹر سہیل خان ئَ را ہائی کمشنر ئِ سیٹ ئِ سر ئَ بوھگ ئَ مبارکی دیان ئَ گوشتگ کہ پاکستان ئِ جنوبی افریقہ ئِ گوما 1994ئَ چہ سفارتی یکوئی اِنت۔ آئی ئَ نامینتگیں کمشنر ئَ را ہدایت کُت کہ دوئیں ملک آنی یکوئی ئَ را مھکم کنگ ئِ ھاترا تجارت ئِ دیمروئی ئِ سر ئَ زور بدینت۔ صدر ئِ مملکت ئَ گیش تران کُت کہ زرباری افریقہ ئِ مینو فیکچرنگ ئُُ ٹیکنالوجی ئِ شوبگ ئَ نوکیں تجروبت ئَ نپ چست کنگ لوٹییت۔ آئی ئَ گوشت کہ پاکستان توامیں ملک آنی گوما تجارت ئَ را گیش دیمروئی دیگ لوٹیت۔
