اسلام آباد۔26مارچ (اے پی پی): وزیر ءِ درئی کار شاہ محمود قریشی ءَ گوشت کہ دل یکیمی نہ کنگ ءَ را ناکام جوڑ کنگ ءِ واستہ حکومتی ڈؒ آنی ھمبراھیں باسک آنی گند ءُ نند ءِ رچ جاڑی انت، بلوچستان السی پارٹی ءِ ڈل ءَ گوں گند ءُ نند جوانیں جاور آنی تہ ءَ بوتگ، حکومتی ڈل ءَ مزن وزیر عمران خان ءِ ارزشتی ایں کلوہ بلوچستان السی پارٹی ءِ سروک آناں پجارینت، ءُ دوئیں نیمگ ءَ گند ءُ نند ءِ رچ جاڑی دارگ ءِ سر ءَ تپاک بوت۔ ادا جاڑیگیں یک پریس ریلیز ءِ رد ءَ دل یکیمی نہ کنگ ءِ جنز ءَ را ناکام جوڑ کنگ ءِ واستہ حکومتی ڈل ءُ ھمبراھیں باسک آنی گوما گند ءُ نند جاڑی انت۔ پاکستان تحریک انصاف ءِ وائس چیئرمین ءُ وزیر ءِ درئی کار مخدوم شاہ محمود قریشی، بنجاھی وزیر منصوبگ بندی اسد عمر ءُ وزیر ءِ دیمپانی پرویز خٹک ءِ ھواریں حکومتی ڈل ءَ اسلام آباد ءَ بلوچستان السی پارٹی ءِ سروک آں گوں گند ءُ نند کت۔
