اسلام آباد۔ 25 مارچ (اے پی پی) وزیراعظم عمران خان تون قومی اسمبلی نا باسک غزالہ سیفی اوڑدہی کرے و وزیراعظم نا کماشی آ پورو پت انا درشانی ءِ کرے۔ جمعہ نادے آ وزیراعظم میڈیا آفس آن جاری بیان نا رداٹ قومی اسمبلی نا باسک غزالہ سیفی وزیراعظم نا کماشی و حکومت آ پورو پت انا درشانی ءِ کرسا حکومت نا السی آسودہی ڈٹ و زرگزران نا گچینی کن گام گیج آتیا خراج تحسین پیش کرے۔ داکان بیدس او خارجہ پڑآ سرسہبی، او آئی سی وزراء خارجہ کونسل نا کانفرنس نا سرسہب اڈتننگ و اقوام متحدہ ٹی اسلاموفوبیا نا توننگ کن جہانی دے انا اڈتننگ نا قرارداد نا منظوری آ مبارکبادی تس۔
