اسلام آباد۔ 25 مارچ (اے پی پی) وزیر مملکت حوالکاری و شینکاری فرخ حبیب پارینے کہ الس امانت نا وڑاٹ وونٹ سیاسی جماعت آتا نمائندہ غاتے ایتک، اوٹی خیانت مننگ کپک، پاکستان نا کانود اٹی ضمیر فروش، نروک آتا ہمیشہ ہمیشہ کن بایدے کسر بند مرے۔ جمعہ نادے آ سپریم کورٹ نا پیشن میڈیا تون گپ وتران کرسا وزیر مملکت حوالکاری و شینکاری فرخ حبیب پارے کہ صدارتی ریفرنس بڑزکو عدلیہ نا مون آٹے، الس دا سوج انا ورندی ءِ خواہک، ہرافک ملک ءِ پُلر ، کیس پک مرے، راج اوفتا برخلاف جنگ ایتک، داڑے پاپڑ والا، فالودہ والا، مقصود چپراسی کون آ کڑد آتا کمک اٹ ارب آ روپئی نا ترسیل مریک۔ وزیر مملکت پارے کہ عجیب ءُ تماشہ سے ہراوزیراعظم نا برخلاف بے پتی جمع ءِ اونا برخلاف ہچ ءُ کرپشن نا کیس اس اف، ہرابے پتی اتنگ ءُ او غٹ کرپٹ ءُ، اسپیکر قومی اسمبلی ہچ ءُ غیر آئینی ءُ کاریم اس کتنے، اپوزیشن نا ہوغنگ سلوک ءِ، اگہ اپوزیشن تون نمبر پورو ءُ انت اکن نتک لڑزنگ ءُ(ٹانگیں کانپ رہی ہیں)، اول جلسہ غاتا پابندی کن عدلیہ غا ہنار، اوڑآ ہچ اس متو تو تینا مارچ ءِ 24 آن 28 آ ہنار دریر، اپوزیشن نا جلسہ ٹی ہچ کس بفک، 27 مارچ آ پی ٹی آئی نا جلسہ ٹی السی سمندر مریک، مسہ نیم سال آن سیوت جوڑ، اینو ہم سیوتیک کابینہ نا بشخ ءُ، رابطہ ءِ، مست آنبار داسہ ہم سیوتیک تفوک ءُ، اپوزیشن بیرہ ہبکئی نا گواچی ءِ۔ وزیر مملکت فرخ حبیب پارے کہ نن بے پتی نا خلاف افن، ہارس ٹریڈنگ نا بنداو آ بے پتی مفک، عمران خان آن زیات مقابلہ کس اس تپک، آخیریکو گیند اسکان گوازی کینہ، استیفہ نا سوج ہی ودی مفک، این آر او ٹولی ءِ ہچ ءُ ملپک، سرسہبی، حق و سچ انا مریک، پی ٹی آئی ملک انا چندی بشخ آتیٹی جلسہ کننگ ءِ، اسہ دے انا نوٹس اٹ جلسہ کننگ بھلو ہیت اسے، السی سلاہ نا مون آ بننگ المی ءِ، ہرسیاسی جماعت ءِ جمہوری حق ءِ کاریم اٹ اتنگ کیک۔
