اسلام آباد۔ 19 اپریل (اے پی پی) صدر مملکت ممنون حسین ئَ گوشت کہ کشت ئُُ کشاری پڑ ئَ گیش دیمروئی ئِ ھاترا زرباری کوریا ئِ تجروبت آں چہ نپ ئُُ سیت چست بوت کنت۔ پاکستانی سفارت کار اے شوبگ ئَ ترجی بدینت تانکہ دوئیں ملک آنی نیام ئَ مول ئُُ مرادی شریکی ئِ ھوار یک ئِ دومیگ ئِ تجروبت آں چہ نپ ئُُ سیت چست کُت بکن آں۔ صدر ئِ مملکت ئَ اے گپ جنوبی کوریا ئَ پاکستان ئِ نامینتگیں سفیر رحیم حیات قریشی ئَ گوں گپ ئُُ تران کنان ئَ گوشت اَنت آئی ئَ چار شمبے ئِ روچ ئَ ایوان ئِ صدر ئَ آئی ئَ گوں گند ئُُ نند کتگ اَت۔ صدر ئِ مملکت ئَ آئی ئَ را جنوبی کوریا ئِ نامینتگیں سفیر بوھگ ئِ پد ئَ مبارکی دات ئُُ گوشت کہ دوئیں ملک آنی نیام ئَ جوانیں سفارتی یکوئی اِنت۔ ایشانی تہ ئَ گیشی آرگ ئِ ضلورت اِنت۔ آئی ئَ گوشت کہ دوئیں ملک آنی نیام ئَ مھکمیں راجدپتری ئُُ دود ئُُ ربیدگی یکوئی ساڑی اَنت ایشاں چہ نپ ئُُ سیت زورگ لوٹیت، بدھ مت ئِ شرپ مندیں جاھ ئُُ ایندگہ سیل ئُُ سودای جاھ آناں پدر ئُُ توسیپ کنگ لوٹیت تانکہ پاکستان ئُُ جنوبی کوریا ئِ سیل ئُُ سودای مردم آنی روگ ئُُ آیگ بندات بہ بیت۔
