اسلام آباد۔ 25 مارچ (اے پی پی) بنجائی وزیر خزانہ و محصولات شوکت ترین پارینے کہ اینخو سال بورہ نا پیدوار اٹی 2 ملین ٹن ودکی نا گمان ءِ اوکان پد پاکستان نسخان نا جاگہ غا دُوارہ فاضل بورہ نا پیدوار نا حامل جوڑ مریک۔ جمعہ نادے آ تینا ٹویٹ اٹی وزیرخزانہ پارے کہ اینخو سال بورہ نا پیدوار اٹی 2 ملین ٹن ودکی نا گمان ءِ اوکان پد تدوک آ سال انا پیدوار نا مقابلہ ٹی ملک اٹی بورہ نا پیدوار 7.5 ملین ٹن اسکان مریک۔ اوپارے کہ پیدوار اٹی ودکی آن پد پاکستان نسخان نا جاگہ غا دُوارہ فاضل بورہ نا پیدوار نا حامل ملک اس جوڑ مریک۔ اوپارے کہ داوخت آ بورہ نا ایکس مل نہاد 81 روپئی اسہ کلو ءِ ہرا تدوک آ سال انا مقابلہ ٹی بھاز کم ءِ۔
