اسلام آباد۔ 25 مارچ (اے پی پی) بنجائی وزیر تعلیم و کسبی تربیت شفقت محمود پاکستان نا اولیکو سکلز یونیورسٹی‘ پاکستان نیشنل سکلز یونیورسٹی اسلام آباد ’ نا بناءِ کرے۔ جمعہ نادے آ اڈ ہلوک آ دود آن تران کرسا شفقت محمود پارے کہ ننا حکومت نا کسب نا بشخ ءِ اولیت تننگ اسل اٹ وزیراعظم عمران خان نا وژن ئس اونا مننگ ءِ کہ ہراتم اسکان کسب نا بشخ شون ہلپک ملک شون ہلپک۔ اوپارے کہ اولیکو وار حکومت اس سکلز ڈویلپمنٹ کن 10 ارب نا پیکج تس و داسہ دانا ستاکڑزوک اثر دوئی مننگ ءِ۔ ہزار آتا کچ اٹی ورناک تربیت دوئی کننگ ءُ۔ بنجائی وزیر تعلیم شفقت محمود پارے کہ مون آ ہرا زمانہ بننگ ءِ اوٹی اسکلز ایجوکیشن ءِ فارمل ایجوکیشن نا مقابلہ ٹی زیات اہمیت تننگک۔ داسہ انٹرنیشنل ادارہ کون آ ٹوئٹر و فیس بک اٹی اسکلز بیسڈ ہائرنگ کننگ انگ ءِ۔ نیشنل اسکلز یونیورسٹی زوت ملک انا بھلو ادارہ اس جوڑ مریک و جہانی کہول آ تینا پہچان اس جوڑ کیک۔ اوپارے کہ داڑے سائبر سیکورٹی ، آٹو موٹیو، ہاسپیٹلیٹی و ایلو کسب آ مبنی سینٹر آف ایکسی لینس جوڑ مریک۔ داڑے انٹرپرینیور شپ و انڈسٹری لینکیج جوڑ کینہ۔ بنجائی وزیر تعلیم کسب نا تعلیم آ زور شاغسا پارے کہ داوخت آ ہائر ایجوکیشن ءِ ہرابھلا چیلنج مون تروک ءِ او داکہ مخلوق سال آتا ڈگری تیان پد ہم روزگار ہلنگ کپسہ ہرانا اسہ سوب ہائر ایجوکیشن اٹی مطابقت نا کمتی ءِ۔ اوپارے کہ نیوٹیک نا رداٹ ساڑی آ اسکلز ٹریننگ بیچ اٹی 60 پی ایچ ڈی اپلائی کرینو وخت اس کہ ہزار آتا کچ اٹی ماسٹر ڈگری ہولڈر و گریجویٹ اپلائی کریر۔ ہراڑے لانگ ٹرم ڈگری المی ءِ ہموڑے شارٹ ٹرم ٹریننگ کورس ہم بھاز المی ءِ۔ داوخت آ بنجائی وزیر نیشنل اسکلز یونیورسٹی نا وائس چانسلر ڈاکٹر مختار احمد نا خذمت آتا ستاءِ کرسا پارے کہ او بھاز خواری کش ءُ بندغ اسے خواری اٹ کاریم کیک و بھاز کم وخت اٹی یونیورسٹی ءِ بھاز مون آ دیک۔ اوپارے کہ ایگزیکٹیو ڈائریکٹر ایچ ای سی ڈاکٹر شائستہ سہیل بھلو مشکل وخت اسے ٹی ہائر ایجوکیشن نا ہرا خذمت ءِ کرے او سفت نا قابل ءِ۔ ہنداوڑ بنجائی وزارت تعلیم و کسبی تربیت خاص وڑاٹ محی الدین احمد وانی نا کڑد ہم ستاکڑزک کہ اودے ہراتم ٹاسک تسن او ڈیلیور کرے و آخبت ہم وزارت تعلیم پبی وڑاٹ سپورٹ کرسا کیک۔
