اٹک۔ 25مارچ (اے پی پی) وزیراعظم عمران خان نا خصوصی کمکار موسمیاتی بدلی ملک امین اسلم خان پارینے کہ اٹک نا الس 27 مارچ آ امر بالمعروف جلسہ ٹی منظم وڑاٹ اوار مرسا وزیراعظم عمران خان و حق اتون تفک۔ اوراجی رابطہ نا ویب سائٹ آ جاری ضلع اٹک نا الس نا پن کلہو اٹی مستی پارے کہ وزیراعظم عمران خان جمہوریت، انسانیت و پاکستان ءِ بچفنگ کن سوگو سلوک ءِ ہنداخاطرآن الس پبی وڑاٹ اوڑتون تفے۔ اوپارے کہ عمران خان نا جلسہ ءِ سرسہب کننگ کن ای تینٹ ہم اٹک نا دورہ ءِ کننگ اٹی اُٹ و ہراوڑاٹ ضلع اٹک نا الس امر بالمعروف جلسہ ٹی بشخ ہلوئی ءِ اونا لائحہ عمل آن الس ءِ معلومدار کننگک۔ داڑے خصوصی کمکار ملک امین اسلم پی ٹی آئی راہشون و تینا ٹولی نا سرکڑدہ سیاسی شخصیت آتون اوڑدہی ٹی وزیراعظم عمران خان تون تفنگ و امر بالمعروف جلسہ ٹی بشخ ہلنگ کن یخین دہانی دوئی کرینے۔ خصوصی کمکار اٹک اٹی حق و سچ اتون تفنگ کن گچین وڑاٹ وزیراعظم عمران خان نا نمائندگی ءِ کننگ ءِ۔
