اسلام آباد۔ 25 مارچ (اے پی پی) اسپیکر قومی اسمبلی اسد قیصر پارینے کہ بے پتی نا تحریک نا بابت او آئین و قومی اسمبلی نا قاعدہ و ضابطہ نا رداٹ تینا زمواری تے پورو کیک۔ جمعہ نادے آ قومی اسمبلی ٹی ریمارکس ترسا اوپارے کہ دا ایوان نا روایت مسنے کہ ہراتم باسک آ کزیت کیک تو اولیکو دے آ دیوان ءِ بیدس کارروائی آن پد بٹنگک۔ دا روایت داسہ غان آخا بھلو وخت اسے آن برجاءِ۔ داتم اسکان 24 باسک آتا کزیت آ داایوان نا کارروائی ءِ پد بٹنگانے۔ اوپارے کہ بے پتی نا تحریک نا بابت او آئین و قومی اسمبلی نا قاعدہ و ضابطہ نا کارروائی ءِ چلیفک۔
