اسلام آباد۔ 25 مارچ (اے پی پی) چین پاکستان اقتصادی راہداری ڈٹ انا رداٹ کشت وکشار نا بشخ ءِ پوسکن آ وڑتتون ہم گرنچ کننگ کن بنجائی حکومت اولیتی بنداو تیا گام گیج کرینے۔ پلاننگ کمیشن کمامدارآتار داٹ بنجائی حکومت چین پاکستان اقتصادی راہداری ڈٹ(سی پیک) نا رداٹ کشت وکشار نا بشخ ءِ پوسکن آ کچ آتیان روشنا س کرفنگ آن، کشارگر آتا زند انا آب ءِ گچین کننگ و قومی زرگزران اٹی اونا مثبت اثر ءِ ودفنگ کن خاص چکار کننگ ءِ انتئے کہ کشت وکشار قومی زرگزران آ اثرانداز مروک آ غٹ آن بھلا بشخ ءِ۔ کشت و کشار اٹی پیدواری لائخی ءِ ودفنگ کن تکنیکی شونداری بھاز المی ءِ۔ چین سی پیک نا ارٹ میکو ریسہ نا رداٹ کشت وکشار نا بشخ اٹی ٹیکنالوجی آ گدریفنگ آ امنائی سلاہ کرینے۔ کشت وکشار پاکستان نا قومی زرگزران کن اہم ءِ ہرا اسہ اہم برآمدی صنعت اس ہم ارے ہراڑآن پاکستان ءِ درملکی زرمبادلہ نا اسہ بھلو بشخ اس دوئی مریک۔ داکان بیدس ہم دا زرگزران نا ارٹ میکو بشخ آتا شونداری کن ہم کمک فراوان کیک۔ سی پیک نا فریم ورک انا رداٹ کشاری کمکاری پاکستان نا کشاری شونداری حالیت آتا رداٹ مرے انتئے کہ ہڑتوم آتا نیام اٹ کشاری انفارمیشن ایکسچینج و ٹریننگ، کشاری پروسیسنگ ، کشاری مشینری مینو فیکچرنگ اینڈ مینٹیننس، جوجک کسفوک دوائی تا بست و بند پین پین اٹی تین پہ تینی کمکاری نا بھلو تاریخ اسے وخت اس کہ پنجاب و سندھ انا قطبی بشخ آتون اوار اوار نن دا ڈیہہ ٹی کشت وکشار ءِ پوسکن جوڑ کننگ و صنعتی جوڑ کننگ تون اوار اوار کشاری مصنوعات آتا برآمد آتے ہم مون آ دننگک۔
