اسلام آباد ۔ 19اپریل (اے پی پی) محکمہ موسمیات نا پاننگ ئِ کہ اسلام آباد و راولپنڈی تون اوار بڑزکو پنجاب ، مالاکنڈ ، ہزارہ ڈویژن ، کشمیر و گلگت بلتستان اٹی گڑاس ہند آتیا ترند تہو، ہورہ و گروک تون اوار ہلکا پِر وخت اس کہ ملک انا ایلو علاقہ غاتیٹی موسم باسن و پِر کپننگ نا گمان ئِ۔ پی ٹی وی نیوز نا رداٹ گدرینگوک آ 24گھنٹہ ٹی اسلام آبادو راولپنڈی تون اوار ملک انا گیشتر علاقہ غاتیٹی موسم باسن و پِر کتو ولے مالاکنڈ ڈویژن و گلگت بلتستان اٹی گڑاس ہند آتیا ترند تہو و ہورہ و گروک تون پِر مس۔ غٹ آن زیات درجہ حرارت ڈیرہ غازی خان اٹی 47 ڈگری سینٹی گریڈ ریکارڈ کننگا۔ محکمہ موسمیات نا پاننگ ئِ کہ بروک آ 24 گھنٹہ ٹی اسلام آباد وراولپنڈی ، چکوال ، سرگودھاتون اوار بڑزکو پنجاب ، مالاکنڈ ، فاٹا ، ہزارہ ڈویژن ، کشمیر و گلگت بلتستان اٹی گڑاس ہند آتیا ترند تہو، ہورہ و گروک تون ہلکا پِر، ملک انا ایلو علاقہ غاتیٹی موسم باسن و پِرکپننگ نا گمان ئِ۔
