اسلام آباد۔ 24 مارچ (اے پی پی) وزیراعظم نا ترجمان و خصوصی کمکار سیاسی ابلاغ ڈاکٹر شہباز گل پارینے کہ عمران خان و اپوزیشن نا نیام اٹ جنگ جوانی و گندہ ہی نا ءِ و الس فیصلہ کیک کہ و دیر تون سلوک ءُ۔ پاکستان پیپلزپارٹی (پی پی پی) نا راہشون بلاول بھٹو زرداری پارینے کہ او پاکستان ڈیموکریٹک موومنٹ (پی ڈی ایم ) نا بشخ اف بلکن بھلا اپوزیشن سیوت نا بشخ ءِ، داکان نن ہُننگ کینہ کہ داکان پد انت مننگ والا ءِ۔ پی ڈی ایم یا اپوزیشن نا بھلا سیوت آن اسٹ اس ہم وزیراعظم عمران خان نا برخلاف دوبہ اس خلنگ کپک۔ پنچ شنبے نادے آ بنجائی وزیر حوالکاری و شینکاری چوہدری فواد حسین و وزیر توانائی حماد اظہر تون سپریم کورٹ نا پیشن میڈیا تون گپ وتران کرسا اوپارے کہ منحرف باسک آتے پارٹی ٹکٹ تننگ غلط ئس، اوتیناضمیر ءِ سودا کریر و حکومت آ دوبہ خلنگ ءُ ولے اوفتے تون اخلاقی وڑاٹ پاننگ نا ہچ اس اف۔ شہباز گل پارے کہ پاکستان تحریک انصاف (پی ٹی آئی ) نا حکومت ءِ اقتدار اٹی بروک کم و ود چار سال مسنے ولے وزیراعظم عمران خان نا برخلاف کرپشن نا ہچ ءُ شاہدی اس مون آ بتنے دُن کہ مسکوہی حکومت نا دور اٹی مون آ برسا کرے۔ پی ٹی آئی نا اسہ بندغ اسے ہم عدالت آک کرپشن نا دوبہ ٹی برطرف کتنو۔ اوپارے کہ منحرف باسک آک تدوک آ وار ہراتم پی ٹی آئی نا ٹکٹ آن بیدس گچین کاری تیٹی بشخ ہلکوسر اوفتے بھاز کم وونٹ ملاسس۔ اوپارے کہ داسفر ’ایبسیلوٹلی یس ‘آن ’ایبسیلوٹلی ناٹ‘ نا ءِ۔ و غٹ چارہ کہ ہراتم آزاد مسلم سرکڑدہ اس ہیت اسے آ موقف اختیار کرینے تو انت مسنے۔ شہباز گل پارے کہ ہراتم عمران خان ءِ پاننگا کہ او امریکہ ءِ اڈہ ایتے تو اوانکار کرے۔ عمران خان تدوک آ سال ہراتم ’ایبسیلوٹلی ناٹ‘ پارے تو اودے سمااس کہ امر حالیت آتون مون تروئی تمک۔ ایلو کنڈآ مولانا فضل الرحمان و آصف علی زرداری پارہ کہ نی ڈرون ہم خل ولے ننے اسہ موقع اس ایت۔ حمزہ شریف یا شہباز شریف ءِ ہم ہندا ویل ءِ کہ نن یورپی یونین ءِ روا ورندی انت اکن تسن۔
