اسلام آباد۔ 24 مارچ (اے پی پی) وزیراعظم نا خصوصی نمائندہ بین المذاہب ہم آہنگی و دے ٹک نیامی و چیئرمین پاکستان علما کونسل حافظ محمد طاہر محمود اشرفی پارینے کہ او آئی سی کانفرنس اٹ کشمیر و فلسطین نا ویل آ اسہ وار ولدا مخ تفی و تائید نا درشانی ءِ کننگا ہرانا داوخت آ گرج ءِ، ہندوستان نا عزم آ پاش آن پاش ہیت مس و اسلاموفوبیا ءِ پہہ مننگ نا گرج ءِ، اسلاموفوبیا ٹی گستاخانہ خاکہ جوڑ کرے، مقدس ورق و ہند آتا توہین ءِ کننگک ہرانا قرارداد ءِ وزیراعظم عمران خان و وزیر خارجہ شاہ محمود قریشی ئسک ایلو سنگت ملک آتا کمک اٹ اقوام متحدہ ٹی پیش کریسر ہرا منظور مس دا قرارداد آن ہندوستان ءِ غٹ آن زیات تکلیف مس۔ اوپارے کہ او آئی سی کانفرنس اٹی بشخ ہلوک آ غٹ اسلامی ملک آتا ایلم تا منت واری ءِ ہرفنہ ہرافک بشخ ہلکر و نن تون ہم کوپہ سلیسر وخت اس کہ پاک فوج ، سیکورٹی ادارہ و پولیس فورس انا منت وار اُن ہرافک او آئی سی نا وخت آ گچین رکھی بست و بند کریر۔ داخیال آتا درشانی ءِ حافظ محمد طاہر محمود اشرفی پنچ شنبے نادے آ اسلام آباد اٹی پریس کانفرنس کرسا کرے۔ اوپارے کہ یوم پاکستان پریڈ نا وخت آ اسلامی ملک آتا وزراء خارجہ پاک فوج انا جہاز و اوفتا کرتب آتا جوان ستاءِ کریر و مہمانک پاریر کہ ننکن دا وخت ناقابل فراموش ءِ ہرا ننکن گمر نا سوب ءِ۔ اوپارے کہ او آئی سی ٹی سعودی عرب و چین نا بشخ ہلنگ آن ہڑتوم آ ملک آتیان پاکستان نا تعلقداریک پین سوگو مسنو۔ اوپارے کہ اسلامی کمکار تنظیم اٹی مسلمان ملک آتون تولنگ مچ آ امت مسلمہ و عالم اسلام کن کمکار مریک و کانفرنس اٹی 150 قرارداد لفظی ءُ ہیت افس بلکن اوفتیا عملدرآمد مریک۔ حافظ محمد طاہر محمود اشرفی پارے کہ یوکرائن نا باندات آ چین و او آئی سی ءِ اسٹ کرسا اسلامی دنیا ءِ پارین کہ ننے جنگ آتیان مر مروئی ءِ، یمن نا باندات تون اوار غٹ اسلامی ملک آتا سلامتی ننے دوست ءِ و اسہ ملک اس ہم خاص وڑاٹ اسلامی ملک آتیا جلہو قابل قبول اف۔ اوپارے کہ اسلام آباد کشمیری ایلم تتون سلوک ءِ و اوفتے اسُل گیرام کپک و ہندوستان او آئی سی نا دیوان ءِ تورفنگ کن ارب آڈالر خڑچ کرینے و ننتون اونا شاہدی ہم ارے کہ ننا اسلامی برادر ملک آتیا ہنسا داکانفرنس اٹ بشخ ہلنگ آن توننگ نا کوشست کننگا ولے اوفک پاکستان آ پت کریر ہراڑآ نن دیوان اٹی بشخ ہلنگ آ ہمو غٹ انا منت واری ءِ ہرفنہ۔
