راولپنڈی۔23مارچ (اے پی پی):چیف آف آرمی سٹاف جنرل قمر جاوید باجوہ ءَ گوں عوامی جمہوریہ چین ءِ سٹیٹ قونصلر ءُ وزیر ءِ درئی کار وانگ یی ءَ گند ءُ نند کت۔ گند ءُ نند ءِ ساھت ءَ دو نیمگی کار، دمگی سلامتی ءُ دو نیمگی دیمپانی کمک آناں گیش ودینگ ءِ گامگیج آنی سر ءَ ھیال ریچی کنگ بوت۔ پاک فوج ءِ ادارگ آئی ایس پی آر ءِ رد ءَ اے موہ ءِ سر ءَ چینی وزیر ءِ درئی کار ءَ گوشت کہ پاک چین یکوئی ھمگونگیں ءُ وت مہ وتی شرپ ءُ ازت ءِ رد ءَ انت۔ وزیر ءِ درئی کار ءَ پاک فوج ءِ ازم آناں ساڑات ءَ گوشت کہ دگنیا ءَ را دمگی ایمنی ءُ برجائی ءِ واستہ پاکستان ءِ کوشست آناں منگ لوٹ ایت۔ آئی ءَ سی پیک ءِ پجاری کتگیں سیکورٹی آناں ساڑات ءُ گوشت کہ چین ٹوھیں وشھالی ءِ سر ءَ دل یکیمی دار ایت۔ آرمی چیف جنرل قمر جاوید باجوہ ءَ او آئی سی وزیر ءِ درئی کار کونل ِ 48 چیل ءُ ھشتمی دیوان ءِ ھوالگ ءَ ایشرا اوگانستان ءِ ھرابیں جاور ھال آں گوں گر ءُ چیل بوھگ ءُ ایمنی ءُ برجائی ءِ واستہ پڑے جیڈھ آنی گیواری ءِ ھوالگ ءَ میاں اوستمانی برات یکجائی وژن ءُ گامگیج آنی آرگ ءِ واستہ یک تاریخی دیمروئی ءِ نامینت۔ آئی ءَ چینی وزیر ءِ درئی کار ءِ تر ءُ تاب ءُ پاکستان ءِ واستہ چین ءِ کمک آنی جاڑی داریگ ءِ شگر ءُ منت واری گپت۔ شرپ مندیں مہمان آں دمگی برجائی ءَ پاکستان ءِ کرد آناں ساڑات ءُ پاکستان ءِ گوما ھمک تک ءِ سفارتی کمک آناں گیش گہتری ءِ واستہ وتی کرد پیلو کنگ ءِ جزم ء درشان کت۔ آئی ءَ او آئی سی وزیر ءِ درئی کار کونل ءِ 48 چیل ءُ ھشتمی دیوان ءِ میزبانی ءِ واستہ پاکستان ءِ کوشست آناں ھاسیں رنگ ءَ ساڑات۔
