اسلام آباد۔23مارچ (اے پی پی): وزیر ءِ درئی کار مخدوم شاہ محمود قریشی ءَ گوشت کہ پاکستان زر باری ایشیا ءَ مھکمیں ایمنی ءُ برجائی ءِ واستہ یونائیٹڈ نیشن ءِ سلامتی کونسل ءِ سیادی داروکیں منوگری ءُ کشمیر الس آنی واھشت آنی رد ءَ جمون کشمیر ء کشاں چیل ءِ ایمنی ءَ گوں گیواری ءِ واھشت ایگ انت۔ اے گپ آئی ءَ چار شمبے ءَ ادا او آئی سی وزیر ءِ درئی کار کونسل ءِ چیل ءُ ھشتمی دیوان ءِ موہ ءَ تھائی لینڈ ءِ نائب مزن وزیر ءُ وزیر ءِ درئی کار ڈون پر امودونائی ءَ گوں گند ءُ نند ءِ ساھت ءَ گوشت۔ وزیر ءِ درئی کار ءَ گوشت کہ پاکستان تھائی لینڈ ءِ گوما دو نیمگی یکوئی آناں ھاسی ارزشت دنت۔ وزیر ءِ درئی کار ءَ سیل ءُ سواد ءِ دیمروئی ءِ واستہ تھائی لینڈ ءِ پراھ ءُ شاھیگانیں تجروبت آں چہ سیت چست کنگ ءِ ارادگ ءِ درشان کت۔ آئی ءَ گوشت کہ پاکستان توامیں ھمساھگیں ملک آنی گوما جوانیں یکوئی ءِ واھشت ایگ انت۔ دوئیں ملک آنی نیام ءَ مزن تکی رابطہ آنی ارزشت آناں تسیلم کنان ءَ دوئیں وزیر ءِ درئی کار ءِ نزیکیں یکوئی برجا دارگ ءِ سر ءَ تپاک کت۔
