اسلام آباد۔23مارچ (اے پی پی):کل جماعتی حریت کانفرنس آزاد جموں ءُ کشمیر ٹولی ءِ کنوینر محمد فاروق رحمانی ءَ او آئی سی ءِ سیکرٹری جنرل حسین ابراہیم طہٰ ءِ نام ءَ یک یاتگیری منوگری ءِ تہ ءَ آئی ءَ بھارت ءِ گیر کانودی آوار جتگیں دمگ کشمیر ءِ سیاسی ءُ بنی آدم آنی لگت مالی ءُ کشمیری آنی ھمک روچ کوش ءِ بابت ءَ سرپد کت۔ کشمیر میڈیا سروس ءِ رد ءَ محمد فاروق رحمانی ءَ یاتگیر آنی تہ ءَ او آئی سی ءِ سیکرٹری جنرل ءَ را بھارت ءَ اسلامو فوبیا ءِ شیطانی گامگیج آنی بابت ءَ سر پد کت۔ یاتگیر آنی کاپی پاکستان ءِ وزارت ءِ درئی کار ءُ او آئی سی ءِ آزاتیں بنی آدمی ھک کمیشن ءَ را ھم ایش ای میل کنگ بوتگ انت۔
