اسلام آباد۔ 23 مارچ (اے پی پی) وزیراعظم عمران خان پارینے کہ اپوزیشن تینا غٹ کارڈ آتے پاش کرینے، اودے زوت بھاز بھلو سرپرائز اس تننگ والا اُن، 27 مارچ انا جلسہ تاریخی مریک، ہچ ءُ حالیت اسے ٹی استیفہ تفرہ، بے پتی والا میچ ءِ نن کٹنہ، سوگو فوج ملک انا گرج ءِ، سیاست کن فوج ءِ بدنام کننگپ۔ چارشنبے نادے آ صحافی تتون گپ وتران کرسا وزیراعظم پارے کہ اگہ پاکستانی فوج مف تو ملک 3 بشخ آتیٹی بشخنگے، پاکستان نا فوج ملک انا غٹ آن نہادی میرات ءِ ، فوج ءِ غلط تنقید نا شست کننگک، سوگو فوج ملک انا گرج ءِ، سیاست کن فوج ءِ بدنام کننگپ۔ اوپارے کہ فضل الرحمان سیاست نا 12 می گوازی گر ءِ، فضل الرحمان نا داسہ ٹیم آن پیشن پیش تمنگ نا وخت مسنے۔ اوپارے کہ (ن) لیگ و پی پی نا سیاست دُزی و دُزی ءِ ڈکھنگ ءِ، کس اسے غلط گمانی مننگ کیک کہ اُراٹی تولیوہ، ہچ ءُ حالیت اسے ٹی استیفہ تفرہ، انت دُز آتا زور آ استیفہ ایتیو۔ اوپارے کہ چوہدری نثار تون اوڑدہی مسنے، اوڑتون 40 سال متکن آ تعلق ءِ. وزیراعظم پارے کہ جنگ آن مست دوتے بڑزا کیو، بے پتی والا میچ ءِ نن کٹنہ، اپوزیشن تینا غٹ کارڈ آتے شو کرے، اپوزیشن ءِ بھاز بھلو سرپرائز اس تننگ والا اُن، اوفتے تینٹ سمااف کہ اوفتے تون اوفتا اخس بندغ سلرہ۔ اوپارے کہ 27 مارچ نا جلسہ تاریخی مریک۔
