وزیراعظم عمران خان نا مسہ نیم سال انا دوراقتدار اٹی پاکستان   ءِ بے شمار سفارتی سرسہبی ملانے، وزیر مملکت حوالکاری و شینکاری فرخ حبیب نا ٹویٹ

اسلام آباد۔ 23 مارچ (اے پی پی) وزیر مملکت حوالکاری و شینکاری فرخ حبیب پارینے کہ داتم اسکان نا غٹ مسکوہی حکومت آک اسہ کنڈآ ولے وزیراعظم عمران خان نا مسہ سال انا دور اقتدار اٹی بے شمار سفارتی سرسہبی ملانے۔ وزیر مملکت فرخ حبیب چارشنبے نادے آ تینا ٹویٹ اٹی پارے کہ اولیکو وار ملک انا وزیراعظم پرچی تا سیاست آن ایڑتر مرسا خن تے خن تیٹی خلسا ہیت کننگ نا جیرت تخک، دنیا عمران خان ءِ عزت و شرف نا نظر اٹ ہرک، مسہ تُو اٹی او آئی سی نا 2 دیوان اڈ ہلک، جہانی کہول آ گچین توار بڑز کننگ آ اقوام متحدہ نا 15مارچ اسلاموفوبیا تون مون تننگ نا جہانی دے گوندنگا، عمران خان اوغانستان آ جہانی چکار ءِ کرفے، کشمیر نا ویل ءِ دلیر وکیل مرسا تالان کرے، دا غٹ وزیراعظم عمران خان ہی کننگ کیک۔