اسلام آباد۔ 23 مارچ (اے پی پی) بنجائی وزیر ڈٹ بندی ، شونداری و خصوصی گام گیج اسدعمر پارینے کہ اِراسال اٹی اولیکو وار تدوک آ 24 گھنٹہ ٹی کوویڈ۔ 19 آن کس اسے نا زوال کننگ نا رپورٹ دوئی متنے۔ چارشنبے نادے آ تینا اسہ ٹویٹ اسے ٹی اسد عمر، ہرانیشنل کمانڈ اینڈ آپریشن سینٹر نا چیئرمین ہم ارے، پارے کہ الحمداللہ تدوک آ 24 گھنٹہ ٹی مچ آ ملک اٹی کوویڈ۔ 19 نا بابت کس اسے نا زوال مننگ نا خبر دوئی متنے۔ بنجائی وزیر پارے کہ تدوک آ اِرا سال اٹی اولیکو وار داوڑ مسنے۔
