اسلام آباد۔ 23مارچ (اے پی پی) پاک فضائیہ نا غٹ بیس آتیا یوم پاکستان ءِ روایتی جم وجوش اٹ اڈتننگا۔ دے انا بنا سہب انا نماز آن پد خصوصی دعاتیان کننگا ہرافتے ٹی پاکستان و مسلم امہ نا سالمیت، شونہالی و شونداری کن دعا کننگا۔ پاک فضائیہ نا ترجمان نا رداٹ مزار اقبال آ پاک فضائیہ نا خصوصی دستہ نا تعیناتی نا دود اس اڈتننگا ہراڑے پاک فضائیہ نا چاق و چوبند دستہ ستلج رینجرز نا جاگہ غا مزار اقبال آ رکھی زمواری تے سنبھالا۔ ایئر وائس مارشل زبیر حسن، ایئر آفیسر کمانڈنگ پی اے ایف ایئر مین اکیڈمی کورنگی کریک داوخت آ مہمان خاص ئسر۔ خصوصی مہمان پاک فضائیہ نا سروک ، ایئرمین و سویلین خواجہ غاتا کنڈآن مزار آ پھل آتا چادر اس شاغا و دعا پاتیا کرے۔
