اسلام آباد۔22مارچ (اے پی پی): ملک مستر ڈاکٹر عارف علوی ءَ گوں چین ءِ سٹیٹ کونسلر ء ُ دری کارانی وزیر وانگ یی، عراق ءِ نائب مزن وزیر ءُ دری کارانی وزیر ڈاکٹر فواد حسین ، مصر ءِ دری کارانی وزیر سمیع حسن شکریء ُ فلسطین ءِ دری کارانی وزیر ریاض المالکی ءَ گندء ُنندکتگ۔ سئے شمبے ءِ روچءَ ایوان صدر ءِ پریس ونگ ءَ چہ جاری بیا ن ءِ ردءَ ملک مستر ڈاکٹر عارف علوی ءَ گوں چین ءِ سٹیٹ کونسلر ء ُ دری کارانی وزیر وانگ یی ءَ گندء ُنندکتگ۔ گندء ُنندءِ تہا گپ ء ُ تران کتگء ُ ملک مستر ڈاکٹر عارف علوی ءَ گشتگ کہ دوئیں ملک آنی نیام ءَ باز جہلیں سیادی اَست ہمک سال گیش بوہان اِنت، پاکستان ء ُ چین “آل ویدر اسٹریٹجک کوآپریٹو پارٹنرز” اَنت۔ ملک مستر ءَ گشتگ کہ پاکستان تائیوان ، تبت ، ہانگ کانگ ء ُ جنوبی چین ءَ ہوار درائیں بنکی جیڑہ آنی “ون چائنا” پالیسی ءِ سرءَ عمل کنگ کنت۔ کشمیر ءِ جیڑہ ء ُ ایف اے ٹی ایف ءِ سرءَ پاکستان ءِ حمایت ءَ ہوار جے ٹین سی گراب پجارینگ ءَ چین ءِ شکرء ُمنت گپتگ۔ آئی ءَ گشتگ کہ چین درستاں چہ اوست مندیں شریدار اِت، پاکستان ءِ گوما سٹریٹجک کمک ءَ را گیش مھکم کنگ لوٹ ایت، ملک مستر ءَ گوں عراق ءِ نائب مزن وزیر ء ُ دری کارانی وزیر ڈاکٹر فواد حسین ءَ ہم گندء ُنندکتگ۔ گندء ُنندءِ تہا گپ ء ُتران کنان ءَ ملک مستر ڈاکٹر عارف علوی ءَ گشتگ کہ پاکستان ء ُ عراق ءِ نیام ءَ باز نزیکیں براتیں سیادی اَست۔ مصر ءِ دری کارانی وزیر سمیع حسن شکری ء ُ فلسطین ءِ دری کارانی وزیر ریاض المالکی ءَ ہم صدر ءِ گوما گندء ُنندکتگ۔ ملک مستر ءَ گشتگ کہ پاکستان مصر ءَ را خطہ ءِ حاسیں ملکے لیک ایت، براتیں ملک ءَ ہوار اقتصادی، سیاسی ء ُ دودء ُ ربیدگی سیادی ءَ را گیش کنگءِ وائشت مند اِنت۔ آئی ءَ گشتگ کہ پاکستان ءَ وتی دلگوشی جیواکنامکس ءِ سرءَ دلگوشی کتگ، مصر ءِ گوما بیپاری سیادی ءَ را گیش کنگ لوٹاں، بھارت مسلمان آنی حلاپ ءَ نسل کشی ءَ ہوار، میاں اوستمانی براتی ءَ را بھارت ءَ را اے ھلاپ ورزیانی دارگ ءِ ضلورت اِنت۔ ملک مستر ڈاکٹر عارف علوی ءَ اسلام آباد ءَ بوہوکیں او آئی سی ءِ دری کارانی وزیر دیوان ءِ 48 می سیشن ءَ ہوار بوہگ ءَ دری کارانی وزیر آنی شکرء ُمنت گپتگ۔ ایشی ءَ پد ملک مستر ءَ او آئی سی ملک آنی دری کارانی وزیر ءِ شرپ ءَ شپ ءِ نان ہم پِر کتگ۔
