اسلام آباد۔22مارچ (اے پی پی): دری کارانی وزیر مخدوم شاہ محمود قریشی ءَ گشتگ کہ او آئی سی دیوان ءَ ما کشمیر ءِ جیڑہ ءَ را چست کنگءَ سوبمند بوتاں، ما کشمیر ءَ گوں سیادی داروکیں ء ُہود ءِ جاورھال ءِ سرءَ حاموش بوت نہ کناں۔ سئے شمبےء ِ روچءَ او آئی سی دری کارانی وزیر کونسل ءِ 48 می دیوان ءِ اولی روچ ءِ ہوالگءَ دری کارانی وزیر ءَ یک بیانے ءِ تہا گشتگ کہ مرچی کانفرنس ءِ بندات باز جوان بوتگ، اے او آئی سی کانفرنس ءِ تہا مئے دلگوشی کشمیر بوتگ۔ آئی ءَ گشتگ کہ ما کشمیر ءِ جیڑہءَ را چست کنگءَ سوبمند بوتاں۔ آئی ءَ گشتگ کہ کشمیر گروپ ءِ دیوان ءَ پلان آف ایکشن ہم جوڑ کنگ بوتگ۔ مرچیگیں دیوان ءِ حاسیں گپ ایش اِنت کہ پاکستان ءَ ر اعزت رسیتگ۔ دومی روچ ءَ نیشنل پریڈ اِنت، نیشنل پریڈ ءَ دری کارانی وزیر آنی ہوار بوہگ مئے ھاترءَ شرپ ءِ گپ اِنت۔ دیوان ءَ یوکرین، اوگانستان، ناشرکاری ءَ ہوار بازیں سرحالانی سرءَ باز جوانیں گپ ء ُ تران بوتگ۔ دری کارانی وزیر ءَ گشتگ کہ انسان نیک نیتی ءَ گوں کوشست کنت گڑا اللہ نیت آنی برورد ءَ الم ءَ دنت، ما ملک ءِ ازمت ءَ کنگءَ اَں، اللہ مارا ہرجاہ ءَ انشاللہ سوبمند کنت۔
