اسلام آباد۔ 23 مارچ (اے پی پی) بنجائی وزیر حوالکاری و شینکاری چوہدری فواد حسین پارینے کہ 23 مارچ نا دے ننا تاریخ اٹی مزل نا نشان نا حیثیت تخک، قرارداد لاہور برصغیر نا مسلمان تے عظیم ءُ مسخت اسے کن اسٹ کرے، قائد اعظم محمد علی جناح، علامہ اقبال و تحریک آجوئی نا سرکڑدہ غاتا قربانی تیان پاکستان ءِ دوئی کننگ نا کسر آوار مس۔ یوم قرارداد پاکستان نا وخت آ تینا کلہو اٹی بنجائی وزیر حوالکاری پارے کہ پاکستان نا شونداری و سوگوی نا راز جمہوریت اٹی اودیم ءِ، جمہوری روایت آتیان رواداری، ہم آہنگی و سگ ءِ مون آ دننگک۔ چوہدری فواد حسین پارے کہ پاکستانی زرگزران شونداری نا کنڈآ ہِننگ ءِ وخت اس کہ ننے دا قول ءِ پوسکن کروئی مریک کہ نن بزرگ آتا نقشہ قدم آ چلینگسا پاکستان ءِ عظیم تر جوڑ کینہ۔ اوپارے کہ اینخو سال 75 می سال دے انا وخت آ اسلام آباداٹی او آئی سی وزراء خارجہ کونسل نا 48 می دیوان نا اڈتننگ مسلم دنیا ٹی پاکستان نا اہم کڑد انا پیدوار درشانی ءِ ۔ دعا ءِ کہ اللہ تعالیٰ پاکستان ءِ شونداری و شونہالی نا کنڈآ دے۔
