اسلام آباد۔ 23 مارچ (اے پی پی) آزاد جموں و کشمیر نا وزیراعظم سردار عبدالقیوم نیازی پارینے کہ او آئی سی تدوک آ کیہی دہائی تیان ایسر نا چاری کشمیر و فلسطین نا ویل آتا ایسری کن اِرا ہنداخہ پین کوشست کے۔ کشمیر میڈیا سروس نا رداٹ وزیراعظم آزاد جموں و کشمیر اسلام آباد اٹی صحافی تتون گپ وتران کرسا پارے کہ مسلم تنظیم بھارتی کوزہ نا برخلاف کشمیری تا روا جہد نا پورو مخ تفی ءِ کے۔ اوبھارتی راج اٹ بے سگی و اسلاموفوبیا نا ودوک آ ریسہ نا حوالہ ءِ ترسا پارے کہ دا المی ءِ کہ او آئی سی بھارت و دنیا نا ایلو بشخ آتیٹی مسلمان آتون ناروا سلوک و ظلم و ستم ءِ توننگ کن مربوط و پبی گام گیج کے۔
