اسلام آباد۔ 23 مارچ (اے پی پی) پیس اینڈ کلچر آرگنائزیشن نا چیئرپرسن مشال حسین ملک اومیت نا درشانی ءِ کرینے کہ اسلامی کمکار تنظیم (اوآئی سی ) نا وزراء خارجہ نا کونسل نا 48 می دیوان اٹی بشخ ہلوک آک کشمیری تے تینا قسمت نا فیصلہ ءِ تینٹ کننگ کن ہلنگ کن فسطائی بھارتی حکومت آ زور شاغنگ کن امنائی موقف اس تینا کیر۔ کشمیر میڈیا سروس نا رداٹ مشعال حسین ملک ہراکہ غیرکانودی وڑاٹ نظر بند حریت راہشون محمد یاسین ملک نا اُرائی ءِ، داہیت آتا درشانی ءِ ملائیشیا نا ڈل اتون گپ وتران کرسا کرے ہرانا کماشی ءِ ملائیشین کنسلٹیو کونسل فار اسلامک آرگنائزیشنز ملائیشیا(ایم اے پی آئی ایم ) نا حاجی عظمیٰ محمد کریکہ۔ او آئی سی نا دیوان اٹی بشخ ہلوک آ ملیشین ڈل مشال ملک تون یکجہتی نا درشانی ءِ کننگ کن اسلام آباد اٹی اونا اُراغا ہنا۔ مشال ملک او آئی سی نا کنڈآن دا ویل آتے ہرفنگ نا ستاءِ کرے ہرا داوخت آ بھارت نا غیرکانودی کوزہ گیری ٹی جموں وکشمیر نا مخلوق ءِ مون تروک ءِ۔ اوڈل ءِ پارے کہ بھارت پیشن آن آباد کار آتے اتسا کشمیر نا آبادی ءِ بدل کننگ ءِ تانکہ مسلم گیشتری ءِ اقلیت اٹ بدل کننگ مرے۔ اوڈل ءِ پارے کہ دا گام اسہ جنگی ءُ ڈوہ اسے ولے کس اس داڑ آ بھارت نا سرزنش کتو۔ مشال حسین ملک پارے کہ مقبوضہ جموںو کشمیر نا مسلمانک تدوک آ ہفت دہائی آن محکومی نا گواچی ءُ،۔ اوپارے کہ او آئی سی نا باسک آک قرارداد منظور کننگ آن بیدس کشمیر نا ویل انا آخبتی ایسری کن پبی گام گیج کیر۔ ڈل یاسین ملک و ایلو حریت راہشون تا بھارتی زندان تیٹی غیر کانودی نظر بندی نا مذمت ءِ کرے۔ حاجی عظمیٰ تینا ٹولی نا کمک اٹ کشمیری تا حق خودارادیت نا حق اٹ مچ آ دنیا نا مسلمان تا سد آ جہانی این جی اوز تا لکھ آ دستخط جمع کننگ نا قول کرے۔
