کوئٹہ۔ 23 مارچ (اے پی پی) وزیراعلیٰ بلوچستان میر عبدالقدوس بزنجو پارینے کہ یوم پاکستان قائد نا فہم و فراست، یقین محکم و سیاسی تدبر و عملی جہد نا پورو مخ تفی نا دے ءِ۔ وزیراعلیٰ بلوچستان میر عبدالقدوس بزنجو یوم پاکستان نا وخت آ تینا اسہ کلہو اسے ٹی پارے کہ 23 مارچ 1940 برصغیر نا تاریخ نا ہندن ءُ عظیم ءُ دے اسے ہرا غٹ پاکستانی تیکن گمر نا قابل ءِ، دادے مسلمانان ہند انا دوئی کننگ پاکستان نا کنڈآ جہد نا مزل نا نشان جوڑ مس، یوم پاکستان اسل اٹ تدبر قائد و فکر اقبال نا اسیجائی ڈیک ءِ، اینو نادے قائد نا فہم و فراست ، یقین محکم و سیاسی تدبر و عملی جہد نا پورو مخ تفی نا دے ءِ۔ وزیراعلیٰ بلوچستان مستی پارے کہ اینو نا دے دنیا نا نقشہ غا جتا ءُ مسلم ریاست اسے نا بنداو ءِ تخنگا، اینو قول ءِ پوسکنی نادے ءِ ہرا ہر پاکستانی ءِ او حب الوطنی نا رغامک ، ملک ءِ مون تروک چیلنج آتون مون تننگ کن اینو نادے ننے اجتماعیت نا مون آ دننگ نا رغامک، وزیراعلیٰ بلوچستان میر عبدالقدوس بزنجو یوم پاکستان نا وخت آ دعا کرسا پارے کہ اللہ تعالیٰ پاکستان ءِ دشمن نا گندہ انگا خن تیان رکھے۔
