اسلام آباد۔22مارچ (اے پی پی):او آئی سی ءِ سیکرٹری جنرل حسین براہیم طحہ ءَ گشتگ کہ امت مسلمہ بازیں جیڑہ ء ُ جنجالانی آماچ اِنت یکجاہی کوشستاناں چہ اے گرء ُدار کنگ بوت کن اَنت۔ اسرائیل فلسطین آنی کشتء ُ ھون ءُ نسل کشی ءَ ہوار اِنت، اسرائیلی زلم ءُناھقی ءَ را دارگ ءِ ھاترءَ امت مسلمہ ءَ را یکجاہ بوہگ لوٹ ایت ءُ مقبوضہ کشمیر ءِ مردماناں وت واجہی ءِ حک ءِ دیئگ ءِ ھاترءَ کوشستاناں گیش تیز کنگ لوٹ ایت۔ سئے شمبے ءِ روچءَ او آئی سی دری کارانی وزیر کونسل ءِ 48 دیوان ءَ گوں تران کتگء ُ آئی ءَ فلسطینی اُلس ءِ جاورھال ءِ سرءَ ترندیں تکانسری ءِ درشانی کتگء ُ گشتگ کہ اسرائیل فلسطین آنی کشتء ُ حون ء ُ نسل کشی ءَ ہوار اِنت۔ آئی ءَ پنچ اگست 2019 ءِ بھارتی غیر قانودی گامگیجانی ردءَ مقبوضہ دمگ ءِ حاسیں ارزشت ءَ را ہلاس کنگ ءَ را میاں اوستمانی کانود ءِ حلاپ لیک اِتگ ء ُ اقوام متحدہ ءِ سلامتی کونسل ءِ تپاک نامہءِ ردءَ کشمیری آنی وت واجہی ءِ حق ءِ دیئگ ءِ کوشستاناں گیش کنگ ءِ سرءَزور پِر داتگ۔ او آئی سی ءِ سیکرٹری جنرل ءَ اسلامو فوبیا ءِ جیڑہ ءُ جنجال ءَ را گرء ُدار کنگ ءِ ھاترءَ میاں اوستمانی براتی ءِ گوما کمک کنگ ءِ سرءَ زور پِر داتگ ء ُ اے ہوالگءَ اقوام متحدہ ءِ تپاک نامہ ءِ سرءَ وشی ءِ درشانی کتگ کہ آئی ءِ ردءَ 15 مارچ ءَ اسلامو فوبیا ءَ را گرءُ دار کنگ ءِ ھاترءَ میاں او ستمانی روچ لیکگ بوتگ۔ سیکرٹری جنرل ءَ پاکستان ءِ 75 می آجوہی ءِ روچ ءَ دری کارانی وزیر کونسل ءِ 48 می دیوان ءِ مہمان جہلی کنگءَ پاکستان ءَ را مراد بات داتگ ء ُ گشتگ کہ پاکستان ءِ آجوہی، اُلسءِ وشھالی ءِ ھاترءَ دعا کنگءَ اَنت۔ سیکرٹری جنرل ءَ گشتگ کہ نائیجیریا ءَ وزارتی کونسل ءَ را مھکم کنگءَ بنکی کرد پیلو کتگ۔ آئی ءَ گشتگ کہ اسرائیل میاں اوستمانی کانودانی حلاپ ورزی ءَ کنگ ءَ اِنت ء ُ فلسطینی اُلسءِ سرءَ زلم ء ُ ناحقی کنگ ءَ اِنت۔ آئی ءَ گشت گ کہ ہندوستان ءِ 5 اگست 2019 ءِ مقبوضہ جموں ء ُ کشمیر ءِ سرءَ زلمءُ ناحقی ء ُ کنگ ءَ را ایر جنت۔ آئی ءَ گشتگ کہ کشمیر ءِ جیڑہ ء َ را گیشء ُ گیوار کنگءِ ھاترءَ او آئی سی ءَ را کرد پیلو کنگ
