اسلام آباد۔22مارچ (اے پی پی): مزن وزیر عمران خان ءَ عالم اسلام ءِ یکوئی ءِ سرءَ زور پر داتگء ُ گشتگ کہ دنیاءِ ڈیڑھ ارب آبادی ءِ نمائدگ ادارگ ءِ ردءَ اسلامی تعاون تنظیم ءِ ترندیں توار کشمیر ءُ فلسطین ءِ دیریگیں جیڑہ ء ُ جنجال ءِ گیش ء ُ گیواری ءِ ھاترءَ باز المی اِنت۔ کشمیر میڈیا سروس ءِ ردءَ مزن وزیر ءَ پاکستان ءِ سروکی ءَ را سنبھالگ ءَپد او آئی سی دری کارانی وزیر کونسل ءِ 48 می دیوان ءَ گوں وتی بنکی تران ءِ تہا گشتگ کہ ما فلسطین ءُ کشمیری دوئیناناں دلپروش کتگ۔ مسلمان ملک آنی 57 باسکی تنظیم ءِ دو روچی دیوان کہ آئی ءِ سرھال ” محکی، انصاف ءُ دیمروئی ءِ ھاترءَ شریداری جوڑ کنگ اِنت “۔ دیوان ءَ او آئی سی ءِ سیکرٹری جنرل سیکرٹری جنرل حسین براہیم طٰہ، اسلامی ترقیاتی بینک ءِ صدر ڈاکٹر محمد سلیمان الجاسر، سعودی عرب ءِ دری کارانی وزیر شہزادہ فیصل بن فرحان السعود، چینءِ سٹیٹ کونسلر ء ُ دری کارانی وزیر وانگ یی ءُ ایندگہ دری کارانی ہوار بوتگ اَنت۔ مزن وزیر ءَ وتی تران ءِ تہا گشتگ کہ اسلامو فوبیا ، میاں اوستمانی جیڑہ ء ُ جنجال ء ُ اوگانستان، کشمیر، فلسطین ء ُ یوکرین ءِ جاورھال ءَ ہوار ایندگہ جیڑ ھ ء ُ جنجالانی نیمگءَ دلگوشی داتگ۔ آئی ءَ گشتگ کہ وہدے ما یکجاہ نہ بن، ما زُلم ناحقی انگت گنداں۔ آئی ءَ گشتگ کہ کشمیری مسلمان آنی بازی ءَ را کمی ءِ تہا مٹ کنگ ءُ دمگ ءِ آباتی ءِ کساس ءَ را مٹ کنگ جنیوا کنونشن ءِ ردءَ جنگی جرم اِت۔ عمران خان ءَ کھڈن کتگ کہ دنیا سرت جنگ ءِ نیمگءَ رہادگ اِنت، ملک آنی بلاکس ءِتہا بھر ءُ بانگ بوہگءِ اُمیت اِنت۔ آئی ءَ گشتگ کہ وہد ے مہ اسلامی پلیٹ فارم ءِ ردءَ یکجاہ نہ بن، ما ایچ جاہ ءَ اوشتات نہ کن انت۔ یوکرین ءِجاورھال ءِ سرءَ آئی ءَ اے وڑیں رھبندانی سرءَ چارء ُ بچار کنگءِ سوج داتگ کہ آئی ءِ ردءَ چین ءَ ہوار او آئی سی ملک گیش بوتگیں جیڑہ ء ُ جنجالاں دارگ ءِ ھاترءَ وتی کردءَ پیلو کُت بہ کن اَنت۔
